પશ્ચિમ રેલવે દ્વારા ભાવનગર-હરિદ્વાર અને વેરાવળ-બનારસ વચ્ચે સાપ્તાહિક સુપર ફાસ્ટ એકસપ્રેસ ટ્રેન દોડાવવા નિર્ણય કરાયો છે.
મુસાફરોની સુવિધાને ધ્યાનમાં રાખી રેલવે દ્વારા ભાવનગરથી હરિદ્વાર વચ્ચે સાપ્તાહિક ટ્રેન દોડાવવા નિર્ણય કરાયો છે. જે અંતર્ગત દર સોમવારે રાત્રે 8:20 વાગ્યે ભાવનગરથી આ ટ્રેન ઉપડશે અને બુધવારે સવારે 3:45 વાગ્યે હરિદ્વાર પહોંચશે. તેમજ બુધવારે સવારે 4:55 વાગ્યે આ ટ્રેન હરિદ્વારથી ઉપડશે અને ગુરુવારે બપોરે 1 વાગ્યે આ ટ્રેન ભાવનગર પહોંચશે. આ ટ્રેનમાં કુલ 18 કોચ રહેશે. ટ્રેન ભાવનગર, સિહોર, ઢોળા, બોટાદ, લીમડી, સુરેન્દ્રનગર, વિરમગામ, મહેસાણા, પાટણ, ભીલડી, ધાનેરા, મરવાળ સહિતના સ્ટેશનોએ થઇ હરિદ્વાર પહોંચશે.
આ ઉપરાંત રેલવે દ્વારા વેરાવળ-બનારસ ટ્રેન પણ શરુ કરવા નિર્ણય કરાયો છે. વેરાવળથી દર સોમવારે સવારે 4:15 વાગ્યે ઉપડશે અને મંગળવારે બપોરે 2:35 વાગ્યે બનારસ પહોંચશે. તેમજ દર બુધવારે સવારે 7:30 વાગ્યે બનારસથી આ ટ્રેન ઉપડશે અને ગુરુવારે સાંજે 7 વાગ્યે વેરાવળ ખાતે પહોંચશે. આ ટ્રેન વેરાવળ, કેશોદ, જુનાગઢ, જેતલસર, વાડીયા-દેવાણી, લાઠી, ઢોળા, બોટાદ, સરખેજ, અમદાવાદ, નડીયાદ, આણંદ, છાયાપુરી, ગોધરા, રતલામ, કોટા, આગ્રા સહિતના સ્ટેશનોએ થઇ બનારસ પહોંચશે.
