જામનગર શહેર અને જિલ્લામાં વિધાનસભા 2022 ની ચૂંટણી શાંતિપૂર્ણ રીતે અને કાયદો તથા વ્યવસ્થાની સ્થિતિ જળવાઈ રહે તે દિશામાં પોલીસ વિભાગ દ્વારા કડક કાર્યવાહી અંતર્ગત પાસા હેઠળ કામગીરી કરવામાં આવી રહી છે. જેમાં અલિયાબાડાના એક શખ્સ વિરૂધ્ધ પાસાની દરખાસ્ત મંજૂર કરાતા એલસીબીએ શખ્સની ધરપકડ કરી સુરતની લાજપોર જેલ ખાતે ધકેલી દેવામાં આવ્યો છે.
2022 વિધાનસભાની પ્રથમ તબકકાની 89 બેઠકો ઉપરની ચૂંટણી 1 લી ડિસેમ્બરના રોજ યોજાનાર છે. જ્યારે આ ચૂંટણીમાં જામનગરની પાંચ બેઠક માટે કલેકટર ડો. સૌરભ પારઘી અને જિલ્લા પોલીસ અધિક્ષક પ્રેમસુખ ડેલુ દ્વારા મતદાન શાંતિપૂર્ણ અને કાયદો અને વ્યવસ્થાની સ્થિતિ જળવાઈ રહે તે દિશામાં થાય તે માટેના પગલાંઓ લેવામાં આવી રહ્યા છે. જેમાં પોલીસવડા દ્વારા માથાભારે અને ગુનાહિત પ્રવૃત્તિ ધરાવતા શખ્સો વિરૂધ્ધ પાસાની દરખાસ્ત હેઠળ ધરપકડની કાર્યવાહી હાથ ધરવામાં આવી રહી છે. જેમાં પોલીસ વિભાગ દ્વારા જામનગર તાલુકાના અલિયાબાડાના અસલમ અમીન ડોસાણી નામના શખ્સ વિરૂધ્ધ મારામારીના બે કેસ અંતર્ગત પાસાની દરખાસ્ત કલેકટર સમક્ષ મૂકવામાં આવી હતી. જે દરખાસ્ત કલેકટરે મંજૂર કરતા એલસીબી પીઆઈ જે.વી. ચૌધરી, પીએસઆઈ આર.એ.કરમટા, એસ.પી. ગોહિલ તથા સ્ટાફના એએસઆઈ માંડણભાઈ વસરા, સંજયસિંહ વાળા, હરપાલસિંહ સોઢા, ભરતભાઈ પટેલ તથા પોલીસ હેકો નાનજીભાઈ પટેલ, શરદભાઈ પરમાર, દિલીપભાઈ તલવાડિયા, હિરેનભાઈ વરણવા, ભગીરથસિંહ સરવૈયા, હરદિપભાઈ ધાધલ, વનરાજભાઈ મકવાણા, ધાનાભાઈ મોરી, અશોકભાઈ સોલંકી, ધર્મેન્દ્રસિંહ જાડેજા, યશપાલસિંહ જાડેજા, હિતેન્દ્રસિંહ જાડેજા, દોલતસિંહ જાડેજા, ઘનશ્યામભાઈ ડેરવાળિયા તથા પોકો ફીરોજભાઈ ખફી, શિવભદ્રસિંહ જાડેજા, નિર્મળસિંહ જાડેજા, યોગરાજસિંહ રાણા, કિશોરભાઈ પરમાર, રાકેશભાઈ ચૌહાણ, બળવંતસિંહ પરમાર, સુરેશભાઈ માલકિયા, દયારામ ત્રિવેદી ધર્મેન્દ્રસિંહ જાડેજા તથા ભારતીબેન ડાંગર સહિતના સ્ટાફ દ્વારા અસલમની ધરપકડ કરી સુરતની લાજપોર જેલ ખાતે ધકેલી દેવામાં આવ્યો છે.
જામનગર જિલ્લાની પાંચ બેઠકો માટે વિધાનસભાની ચૂંટણી અંતર્ગત પોલીસ અધિક્ષક દ્વારા બુટલેગર તથા અસામાજિક પ્રવૃત્તિ આચરનાર શખ્સો વિરૂધ્ધ પાસા હેઠળ કાર્યવાહી હાથ ધરવામાં આવી રહી છે. આ ચૂંટણીમાં પોલીસ દ્વારા આજ દિવસ સુધીમાં 10 શખ્સોની પાસા હેઠળ ધરપકડ કરવામાં આવી છે.
