ખંભાળિયાના ભાડથર ગામે વૃદ્ધને મારી નાખવાની ધમકી

ખંભાળિયા તાલુકાના ભાડથર ગામે રહેતા અને ખેતીના વ્યવસાય સાથે સંકળાયેલા નારણભાઈ નગાભાઈ ચાવડા નામના 65 વર્ષના વૃદ્ધ પોતાની વાડીએ હતા ત્યારે, આ જ ગામનો વીરા લખુભાઈ ચાવડા ધસી આવ્યો હતો.

નારણભાઈના દોહિત્રા અજયભાઈની સાથે કાર ચલાવવા બાબતે થયેલા મનદુ:ખનો ખાર રાખી વીરાભાઈએ નારણભાઈ સાથે ઝઘડો કરી, બિભત્સ ગાળો કાઢી, પથ્થરના છુટ્ટા ઘા ફટકારી અને મૂઢ ઈજાઓ પહોંચાડી હતી. આટલું જ નહીં, આરોપીએ ફરિયાદી નારણભાઈને મારી નાખવાની ધમકી આપતા આ સમગ્ર બનાવ અંગે ખંભાળીયા પોલીસ મથકમાં આઈપીસી.કલમ 323, 337, 504 તથા 506 (2) મુજબ ગુનો નોંધવામાં આવ્યો હતો.