કૃષિમંત્રી બે દિવસ જામનગર જિલ્લાના પ્રવાસે

રાજ્યના કૃષિમંત્રી રાઘવજીભાઇ પટેલ આગામી બે દિવસ જામનગર જિલ્લાના પ્રવાસે રહેશે. આ દરમિયાન લોકસંપર્ક તેમજ મિટિંગ યોજશે.

આવતીકાલ તા. 7 મે થી તા. 8 મે સુધી રાજ્યના કૃષિ-પશુપાલન અને ગૌસંવર્ધન મંત્રી રાઘવજીભાઈ પટેલ જામનગર જિલ્લાના પ્રવાસે છે. જેમાં તેઓ તા.7ના રોજ બપોરે 12 થી 1 કલાક સુધી અટલ ભવન જામનગર ખાતે અને 1 થી 4 કલાક સુધી જામનગર સર્કિટ હાઉસ ખાતે લોકસંપર્ક યોજશે. જેમાં મંત્રી જિલ્લાના લોકોની મુલાકાત લઇ લોકોના પ્રશ્ર્નોના નિરાકરણ અર્થે રૂબરૂ સંવાદ કરશે. ત્યારબાદ 4:30 કલાકથી 6 કલાક સુધી કલેકટર સાથે જિલ્લા મેહસુલી પ્રશ્ર્નો બાબતે બેઠક યોજશે. તેમજ અન્ય સામાજિક તેમજ ધાર્મિક કાર્યક્રમોમાં મંત્રી ઉપસ્થિત રહેશે.