સુપ્રીમ કોર્ટે ગુજરાત સરકારની તે અધિસૂચના પર રોક લગાવી દીધી છે જેમાં કહેવામાં આવ્યું છે કે જે હોસ્પિટલો પાસે ભવન ઉપયોગની મંજૂરી નથી તેના પર કાર્યવાહી કરવામાં આવશે નહીં. સુપ્રીમ કોર્ટે તેના પર નારાજગી વ્યકત કરતા કહ્યું કે સરકારે નાગરિકોના સ્વાસ્થ્ય અને સુરક્ષા પર ધ્યાન આપ્યું નથી. ગત સુનાવણીમાં સુપ્રીમ કોર્ટે ગુજરાતની હોસ્પિટલોમાં આગની ઘટનાઓને લઇને રાજય સરકાર પર ઘણી નારાજગી વ્યકત કરી હતી.
કેસની સુનાવણી કરતા સુપ્રીમ કોર્ટે કહ્યું કે હોસ્પિટલોમાં આગ લાગવાની ઘણી ઘટનાઓ માનવીય ત્રાસદી છે. સુપ્રીમ કોર્ટે કહ્યું કે આવી સ્થિતિ ના હોય કે નાની-નાની બિલ્ડિંગોમાં હોસ્પિટલ ચાલવા લાગે. જયાં નિયમોનું પાલન જ ના થતું હોય. આગની ઘટનાઓ પર નારાજગી વ્યકત કરતા કોર્ટે કહ્યું કે રાજયોએ સ્ટેડિયમ કે પછી બીજા સ્થાનો પર કોવિડ કેયર સેન્ટર ખોલવા જોઈએ. જસ્ટિસ એમઆર શાહ અને જસ્ટિસ ડીવાઇ ચંદ્રચૂડની બેન્ચે આ કેસની સુનાવણી કરી હતી. સુનાવણી દરમિયાન જસ્ટિસ ચંદ્રચૂડે કહ્યું કે આપણે લોકોને મહામારીથી બચાવવાના બદલે આગથી લોકોને મારી રહ્યા છે. બીયૂની મંજૂરીથી જો 2 રૂમના સ્થાનને હોસ્પિટલમાં ફેરવવામાં આવે તો તમારે મંજૂરી લેવી પડશે. જસ્ટિસ ચંદ્રચૂડે કહ્યું કે આપણે બધુ ના કરી શકીએ પણ જે આપણી પહોંચમાં છે તે કરવું જોઈએ. તેમણે ટિપ્પણી કરી કે યોજના અધિકારીઓ વચ્ચે એક માફિયા લિંક છે જેનાથી આપણા નાગરિક પીડિત છે. આપણે તેને મંજૂરી આપીએ તો તેનો મતલબ એ હશે કે આપણે મિલીભગતથી કામ કરી રહ્યા છે.
તેમણે કહ્યું કે આપણે સતત ડેવલપર્સ અને ઉલ્લંઘનકર્તાઓને કાનૂનના પ્રાવધાનોનું પાલન કરવાથી છૂટ આપી રહ્યા છે. આપણી પ્રથમ ચિંતા એ છે કે કોર્ટ હાઇકોર્ટના સુવિચારિત નિર્ણયમાં દખલ આપી રહ્યું નથી. છૂટ અને સ્ટે આપીને આપણે આમ કરી રહ્યા છીએ. આપણે ભારતીય સમાજમાં બધી બીમારીઓની સારવાર કરી શકતા નથી.
પણ આપણે તે કરવું જોઈએ જે આપણે એક ન્યાયધીશના રૂપમાં કાનૂનના શાસનને બનાવી રાખવા માટે કરી શકીએ છીએ. બેન્ચના બીજા જજ જસ્ટિસ શાહે કહ્યું કે હોસ્પિટલ નિવેશના અખાડા બની ગયા છે. જો ICMRની ગાઈડલાઇન અંતર્ગત જોવો તો આઇસીયુવાળી 80 ટકા હોસ્પિટલ બંધ થઇ જશે. સુપ્રીમ કોર્ટે ગુજરાત સરકારને કહ્યું કે તે રાજકોટની હોસ્પિટલમાં આગથી મરનાર લોકોને રાહત આપવા માટે વિચાર કરે અને આગામી સુનાવણીમાં તેના પર જવાબ દે.
