સગીરા સાથે દુષ્કર્મના કેસમાં અદાલત દ્વારા સરકારી વકીલની દલીલો માન્ય રાખી આરોપીને 20 વર્ષની સખત કેદની સજા તથા રૂા.10 હજાર દંડનો હુકમ કર્યો હતો અને ભોગ બનનારને વળતર પેટે રૂા. 4 લાખ ચૂકવવા પણ હુકમ કર્યો હતો.
આ કેસની વિગત મુજબ 14 વર્ષની સગીરાને આરોપી ઈબ્રાહીમ અબ્દુલ પાનવાળા નામના શખ્સે ભોગ બનનારને એક કાગળમાં મોબાઈલ નંબર લખી ચિઠ્ઠી આપી ત્યારબાદ ભોગ બનનારે વાત કરતા બાદમાં આ કામના આરોપી ભોગ બનનાર સગીર વયની હોવાનું જાણતો હોવા છતાં તેની સાથે અવારનવાર ફોનમાં વાત કરી મુલાકાત કરવાનું કહેતો હતો ત્યારે ભોગ બનનારે મળવાની ના પાડતા આરોપીએ ભોગ બનનારને કહ્યું હતું કે જો તું મને મળવા નહીં આવતો હું તારા મમ્મી પપ્પાને તું મારી સાથે ફોનમાં વાત કરે છે તેની જાણ કરી દઈશ જેથી ભોગ બનનાર ગભરાઈ ગઇ હતી અને બીક ના કારણે ભોગ બનનારે આરોપીને કહેલ કે તું મારા મમ્મી પપ્પાને કાંઈ વાત કહેતો નહીં અને મળવાની હા પાડી હતી જેથી આરોપી રાત્રિના ત્રણ ચાર વાગ્યે ભોગ બનનારની અગાસી ઉપર ગયો હતો અને ભોગ બનનાર અગાસી ઉપર ગઇ તો આરોપી ત્યાં બેઠો હતો અને આરોપીએ ભોગ બનનાર સાથે તેની મરજી વિરુદ્ધ શરીર સંબંધ બાંધી દુષ્કર્મ આચર્યુ હતું.
ત્યારબાદ ભોગ બનનારે બીજે દિવસે આરોપીને ફોન કરી કહ્યું હતું કે તું હવે મારી સાથે વાત કરતો નહીં . મારે તારી સાથે વાત કરવી નથી તેમ કહેતા આરોપી કહેલ કે હવે હું તારી સાથે આવું બીજું કાંઈ નહીં કરું પણ તું મારી સાથે ફોનમાં વાત કરજે જેથી ભોગ બનનારે ડર ના કારણે હા પાડી હતી અને ફોનમાં વાતો કરતા હતા બાદ 15 દિવસ પછી આરોપીએ ભોગ બનનારને ફોનમાં કહેલ કે રાત્રિના ત્રણેક વાગ્યે અગાસીમાં આવજે.જેથી ભોગ બનનાર આરોપી મારા મમ્મી પપ્પા ને વાતની જાણ કરશે તે બીક ના કારણ ફરી પાછી અગાસીમાં જતા આરોપી અગાસીમાં હતો અને ફરીથી ભોગ બનનારને ધમકાવી તેણીની મરજી વિરુદ્ધ શરીર સંબંધ બાંઘ્યો હતો. ત્યાર બાદ એક દિવસ રાત્રીના ફરીથી આરોપી અગાસી ઉપર આવેલ ત્યારે ભોગ બનનારના પપ્પા જાગી જતા જેથી આરોપી વંડી ટપી ભાગી ગયો હતો ત્યારબાદ ભોગ બનનાર ડરના કારણે ઘરેથી નીકળી રેલ્વે ના પાટા પાસે ગઇ હતી અને રાત્રિના દોઢ વાગ્યે પોલીસ આવતા તેની પૂછપરછ કરી વિકાસ ગ્રહમાં મૂકી ગયા હતાં. જ્યાં ભોગ બનનારના માતા-પિતા આવતા ભોગ બનનારે તમામ હકિકત જણાવતા આ અંગે પોલીસમાં ફરિયાદ નોંધાવી હતી.
જે કેસ સ્પેશિયલ કોર્ટમાં આર પી મોગેરા ની કોર્ટમાં ચાલતા ફરિયાદી તરફે 15 જેટલા સાક્ષીઓ તથા દસ્તાવેજી પુરાવા સરકાર તરફે ની દલીલ ગ્રાહ્ય રાખી આરોપીને તકસીરવાન ઠરાવી પોકસો કલમ ચાર મુજબ દસ વર્ષની સખત કેદની સજા તથા રૂપિયા 10,000 દંડ તેમજ કલમ 6 મુજબ 20 વર્ષ ની સખત કેદની સજા તથા પાંચ હજાર દંડ અને દંડ ન ભરે તો વધુ એક વર્ષની સાદી કેદની તથા ભોગ બનનારને વળતર પેટે રૂપિયા ચાર લાખ ચૂકવવા સ્પેશિયલ કોર્ટના જજ આર પી મોગેરાએ હુકમ કર્યો છે. આ કેસમાં સરકારી વકીલ તરીકે ભારતીબેન વાદી રોકાયેલા હતા
