ધુંવાવ ગામે ડેમમાં ન્હાવા પડેલ યુવાનનું ડૂબી જતાં મોત

જામનગરના કાલાવડ નાકા બહાર રહેતો યુવાન ધુંવાવ ગામે આવેલ ડેમમાં ન્હાવા પડતા અચાનક ડુબી જવાથી તેનું મૃત્યુ નિપજ્યું હતું.

આ અંગેની વિગત મુજબ, જામનગર શહેરના કાલાવડ નાકા બહાર મોરકંડા રોડ પાસે રહેતો મુસ્તકીમ મહમદ ફુલવાલા (ઉ.વ.26) નામનો યુવાન ગત તા. 3 ના રોજ ધુંવાવ ગામે આવેલ ડેમમાં ન્હાવા પડતા અચાનક પાણીમાં ડૂબી ગયો હતો. આ અંગેની જાણ થતા સ્થાનિક તરવૈયાઓ તેમજ ફાયર શાખા દ્વારા યુવાનની શોધખોળ હાથ ધરતાં તેનો મૃતદેહ મળી આવ્યો હતો. આ અંગે હુશેનભાઈ મલકા દ્વારા પોલીસને જાણ કરાતા પંચકોશી એ ડીવીઝનના પ્રો. પીએસઆઇ એ.આર. પરમાર સહિતનો સ્ટાફ દોડી જઇ મૃતદેહનો કબ્જો સંભાળી પીએમ માટે ખસેડી આગળની કાર્યવાહી હાથ ધરી હતી.