જામનગર શહેરના દિગ્વીજય પ્લોટ 49માં રહેતાં શખ્સના મકાનમાંથી એલસીબીની ટીમે રેઈડ દરમિયાન રૂા.46,400 ની કિંમતની 116 બોટલ દારૂ અને એકટીવા મળી કુલ રૂા.71,400 ના મુદ્દામાલ કબ્જે કરી શખ્સની ધરપકડ માટે ચક્રો ગતિમાન કર્યા હતાં.
દારૂના દરોડાની વિગત મુજબ, જામનગર શહેરના દિગ્વીજય પ્લોટ 49 માં આશાપુરા માતાજીના મંદિર પાછળ રહેતા ભીખા પરસોતમ ગોરી નામના શખ્સના મકાનમાં દારૂનો જથ્થો હોવાની એલસીબીના દોલતસિંહ જાડેજા અને ઘનશ્યામભાઈ ડેરવાળિયાને મળેલી બાતમીના આધારે પોલીસ વડા નિતેશ પાંડેય ની સૂચનાથી પીઆઇ એસ.એસ. નિનામાની સૂચનાથી પીએસઆઈ આર.બી.ગોજિયા, બી.એમ. દેવમુરારી, કે.કે. ગોહિલ તથા સ્ટાફના માંડણભાઈ વસરા, સંજયસિંહ વાળા, હરપાલસિંહ સોઢા, અશ્ર્વિનભાઈ ગંધા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલવાડિયા, હિરેનભાઈ વરણવા, ભગીરથસિંહ સરવૈયા, હરદીપભાઈ ધાધલ, વનરાજભાઈ મકવાણા, ધાનાભાઈ મોરી, ખીમભાઈ ભોચિયા, અશોકભાઈ સોલંકી, યશપાલસિંહ જાડેજા, હિતેન્દ્રસિંહ જાડેજા, દોલતસિંહ જાડેજા, ઘનશ્યામભાઈ ડેરવાળિયા, ફીરોજભાઈ ખફી, શીવભદ્રસિંહ જાડેજા, નિર્મળસિંહ જાડેજા, યોગરાજસિંહ રાણા, કિશોરભાઈ પરમાર, બળવંતસિંહ પરમાર, લખમણભાઈ ભાટિયા, સુરેશભાઈ માલકિયા, દયારામ ત્રિવેદી તથા ધમેન્દ્રસિંહ જાડેજા સહિતના સ્ટાફે રેઈડ દરમિયાન ભીખાના કબ્જાની ઓરડીમાં તલાસી લેતા તેમાંથી રૂા.46,400 ની કિંમતની 116 બોટલ દારૂ મળી આવ્યો હતો.
એલસીબીની ટીમે દારૂ અને રૂા.25000 ની કિંમતની જીજે-10-એડી-9985 નંબરની એકટીવા મળી કુલ રૂા.71,400 ના મુદ્દામાલ કબ્જે કરી ભીખા ગોરી વિરૂધ્ધ ગુનો નોંધી શોધખોળ માટે ચક્રો ગતિમાન કર્યા હતાં.
