જામનગર-રાજકોટ ધોરીમાર્ગ પર સોયલ ટોલનાકા પાસેથી પસાર થતી સ્વિફ્ટ કારને આંતરી તલાશી લેતાં તેમાંથી રૂા. 3,82,000ની કિંમતની 384 ઇંગ્લીશ દારૂની બોટલ સાથે બે શખ્સોની ધરપકડ કરી કુલ રૂપિયા 6,97,000 લાખનો મુદામાલ કબ્જે કર્યો હતો.
દારૂના દરોડાની વિગત મુજબ જામનગર-રાજકોટ ધોરીમાર્ગ પર સોયલ ટોલનાકા પાસેથી સ્વિફ્ટ કારમાં દારૂનો જથ્થો પસાર થવાની ક્રિપાલસિંહ જાડેજા, સુમિતભાઇ શિયાળ, ભયપાલસિંહ જાડેજાને મળેલી સંયુકત બાતમીના આધારે પોલીસ અધિક્ષક ડો. રવિ મોહન સૈનીની સૂચનાથી પીઆઈ વી.એમ. લગારીયા, પીએસઆઇ સી. એમ. કાંટેલિયા, પી.એન. મોરી તથા સ્ટાફના હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલાવાડિયા, હિરેનભાઇ વરણવા, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, બળવંતસિંહ પરમાર, મયૂરસિંહ પરમાર, યુવરાજસિંહ ઝાલા, ભયપાલસિંહ જાડેજા, અજયભાઇ વીરડા, કિશોરભાઈ પરમાર, ઋષિરાજસિંહ વાળા, ભરતભાઇ ડાંગર, ઘનશ્યામભાઇ ડેરવાડિયા, સુમિતભાઇ શિયાર, સુરેશભાઇ માલકિયા, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે વોચ ગોઠવી હતી.
View this post on Instagram
દરમ્યાન બાતમી મુજબની જીજે17-બીએચ-1897 નંબરની સ્વિફ્ટ કાર પસાર થતાં એલસીબીની ટીમએ કારને આંતરીને તલાશી લેતાં તેમાંથી રૂા. 3,82,800ની કિંમતની 384 નંગ ઈંગ્લીશ દારૂની બોટલ અને રૂા. 15 હજારની કિંમતના બે મોબાઇલ ફોન તથા રૂા. 3 લાખની કિંમતની સ્વિફ્ટ કાર મળી કુલ રૂપિયા 6,97,800ના મુદામાલ સાથે અશોક પ્રતાપ પરમાર (રહે. સ્મશાન પાછળ, સ્વામીનારાયણ નગર, જામનગર) તથા દીપક દેવજી શિયાળ (રહે. નાગેશ્ર્વર કોલોની, જામનગર) નામના બે શખ્સોને દબોચી લઇ પૂછપરછ હાથ ધરતાં દારૂનો જથ્થો રણજિતસાગર રોડ પર મારૂ કંસારા હોલવાળા ઢાળિયા પાસે રહેતાં સદ્દામ ઉર્ફે મુન્નો બોદુ સફીયા નામના શખ્સે મંગાવ્યો હોવાની કેફિયતના આધારે એલસીબીએ 3 શખ્સો વિરૂઘ્ધ ધ્રોલ પોલીસ સ્ટેશનમાં ગુનો નોંધાવી કાર્યવાહી હાથ ધરી હતી.
