જામનગર તાલુકાના ફલ્લા ગામમાં કંકાવટી કેનાલ પાસે આવેલા ખેતરમાંથી પોલીસે રેઈડ દરમિયાન 43 બોટલ ઈંગ્લીશ દારૂ અને 16 નંગ ચપટા તથા 24 નંગ બીયરના ટીન સહિતના મુદ્દામાલ સાથે શખ્સને ઝડપી લઇ પૂછપરછ આરંભી હતી.
દરોડાની વિગત મુજબ, જામનગર તાલુકાના ફલ્લા ગામની સીમમાં આવેલી રતીલાલ પટેલની વાડીમાં ખેતમજૂરી કરતો શખ્સ તેની ઓરડીમાં દારૂનો જથ્થો રાખતો હોવાની બાતમીના આધારે પંચકોશી બી સ્ટાફે સોમવારે રેઈડ દરમિયાન તલાસી લેતા મુસા ઇડા વસુનિયા નામના ભીલ શખ્સના કબ્જામાંથી પોલીસે રૂા.21,500 ની કિંમતની ઇંગ્લીશ દારૂની 43 બોટલ તેમજ રૂા.1600 ની કિંમતના 16 નંગ ચપટા અને રૂા.2400 ની કિંમતના 24 નંગ બીયરના ટીન મળી કુલ રૂા.25,500 નો મુદ્દામાલ કબ્જે કરી મુસાની ધરપકડ કરી હતી અને પૂછપરછ હાથ ધરતા આ દારૂનો જથ્થો વાવડી ગામના નાનુરામ ભુચરીયા એ સપ્લાય કર્યો હોવાની કેફિયત આપતા પોલીસે તપાસ આરંભી હતી.
