જામનગર શહેરના દિ.પ્લોટ 64 વિસ્તારમાં આવેલા રહેણાંક મકાનમાંથી પોલીસે તલાસી લેતા દારૂની 6બોટલ મળી આવતા શખ્સની ધરપકડ કરી આગળની તપાસ હાથ ધરી હતી. જામનગર તાલુકાના દરેડમાં પાર્ક કરેલી બાઇકમાંથી આઠ બોટલ દારૂ મળી આવતા પોલીસે શખ્સની શોધખોળ આરંભી હતી.
દરોડાની વિગત મુજબ, પ્રથમ દરોડો જામનગર શહેરના દિ.પ્લોટ 64 વિસ્તારમાં જગદીશ હેમનદાસ રામનાણી નામના શખ્સના મકાનમાં દારૂનો જથ્થો હોવાની બાતમીના આધારે પીએસઆઈ આર.કે. ગોસાઈ તથા સ્ટાફે રેઈડ દરમિયાન તલાસી લેતા રૂા.3000 ની કિંમતની દારૂની 6 બોટલ મળી આવતા પોલીસે જગદીશની અટકાયત કરી ગુનો નોંધી પૂછપરછ હાથ ધરી હતી. બીજો દરોડો, જામનગર તાલુકાના દરેડ ગામમાં હરીપાર્ક સોસાયટીમાં પાર્ક કરેલા બાઈકમાંથી રૂા.4000 ની કિંમતની દારૂની આઠ બોટલ મળી આવતા એએસઆઈ એમ.એલ. જાડેજા તથા સ્ટાફે નાથા ગાંડા ખીંટ વિરૂધ્ધ ગુનો નોંધી તેની શોધખોળ માટે ચક્રો ગતિમાન કર્યા હતાં.
