જામનગર સીટી બી ડિવીઝન પોલીસ દ્વારા નવાગામ ઘેડ વિસ્તારમાંથી રહેણાંક મકાનમાંથી રૂા. 59,000ની કિંમતની 118 નંગ વિદેશી દારૂની બોટલ સાથે એક શખ્સને ઝડપી લઇ કાયદેસરની કાર્યવાહી હાથ ધરી હતી.
દરોડાની વિગત મુજબ જામનગરના નવાગામ ઘેડ સિધ્ધેશ્ર્વર સોસાયટી શેરી નં. 2માં રહેતા પંકજ મનસુખભાઇ પરમારએ પોતાના રહેણાંક મકાનમાં વિદેશી દારૂ વેચાણ અર્થે મંગાવી રાખ્યો હોવાની સર્વેલન્સ સ્ટાફના હે.કો. રવિરાજસિંહ જાડેજા તથા પો.કો. હરદીપભાઇ બારડ અને યુવરાજસિંહ જાડેજાને મળેલ બાતમીને આધારે રેઇડ દરમ્યાન આરોપી પંકજ મનસુખભાઇ પરમાર ઉ.વર્ષ 45ના રહેણાંક મકાનમાંથી રૂા. 59,000ની કિંમતની 118 નંગ દારૂની બોટલના મુદામાલ સાથે ઝડપી લીધો હતો.
આ કામગીરી પીઆઇ કે.જે. ભોયે તથા પીએસઆઈ સીએમ કાટેલીયા, એ.એસ.આઇ હિતેશભાઇ ચાવડા, તથા હેકો રવિરાજસિંહ જાડેજા, ક્રિપાલસિંહ સોઢા, મુકેશસિંહ રાણા, પો.કો. હરદીપભાઈ બારડ,મનહરસિંહ જાડેજા, યુવરાજસિંહ જાડેજા, ધમેન્દ્રસિંહ જાડેજા, સંજયભાઇ પરમાર તથા હિતેશભાઇ સાગઠીયા દ્વારા કરવામાં આવી હતી.
