Video : દ્વારકાના શિવરાજપૂરમાં મલ્લ કુસ્તી મેળાનું આયોજન

દ્વારકા તાલુકાના શિવરાજપૂર ગામે દર વર્ષની જેમ આ વર્ષે પણ જાકુપીર દાદાની દરગાહે પારંપરિક મલ્લ કુસ્તી મેળાનું ભવ્ય આયોજન કરવામાં આવ્યું હતું. મહાભારત કાળથી ભારતીય સંસ્કૃતિ અને પરંપરા જાળવી રાખતી મલ્લ કુસ્તી આજે પણ યુવાનોની મનપસંદ છે.

દ્વારકા તાલુકાના શિવરાજપૂર ગામે જાકુપીરદાદાની પૌરાણિક દરગાહ આવેલી છે. આ દરગાહે સેંકડો વર્ષથી ભાદરવા મહિનાની પુનમના દિવસે મલ્લ કુસ્તી મેળાનું આયોજન કરવામાં આવે છે. આ વર્ષે અહીં મલ્લ કુસ્તી મેળાનું સુંદર આયોજન કરવામાં આવ્યું હતું. ઓખા મંડળ, બારાડી અને બરડા પંથકમાંથી સેંકડો મલ્લ કુસ્તી બાજો અને હજારજો દર્શકો આ પ્રસંગે હાજર રહ્યાં હતાં. મલ્લ કુસ્તી સ્પર્ધામાં પ્રથમ, દ્વિતિય અને તૃતિય આવનારને આયોજક શિવરાજપૂર ગામ તરફથી પારિતોષિક અર્પણ કરવામાં આવ્યાં હતાં.