મોતનો મલાજો જળવાતો નથી

દેવભૂમિ દ્વારકા જિલ્લાના સલાયામાં પણ લમ્પી વાયરસ વકરી રહ્યો છે. જેમાં 12 થી 15 જેટલી ગાયોના મોત નિપજ્યા હતાં અને આ ગાયોના મૃતદેહોને યોગ્ય રીતે દફન કરવાને બદલે સલાયા-ખંભાળિયા રોડ પર પાંચ કિ.મી. દૂર આવેલા નાગનાથ મંદિર સામેના વિસ્તારની ખુલ્લી જગ્યામાં ફેંકી દેવાયા હતાં. ખરેખર મૃતદેહોને ખાડો કરી દફન વિધિ કરવી જોઇએ. જો કે આ રીતે ગાયોના મૃતદેહોને ખુલ્લામાં ફેંકી દેવાતા કુતરા તથા જનાવરોએ ફાડી ખાધા છે. જેના કારણે રોગચાળો વકરવાની શકયતા રહેલી છે. નગરપાલિકાએ ગંભીરતા દાખવીને રોગચાળો ન વકરે અને મોતનો મલાજો જળવાઈ રહે તે માટે મૃતદેહોને યોગ્ય રીતે દફન કરવાની કાર્યવાહી હાથ ધરવી જોઇએ.