મેઘપર નજીકથી ગેસના બાટલા રીફીલીંગ કૌભાંડ ઝડપાયું

જામનગર જિલ્લાના મેઘપર નજીકના વિસ્તારમાં રહેતાં શખ્સ દ્વારા ગેરકાયદેસર ગેસના બાટલાનું રીફીલીંગ કરાતા સ્થળે પોલીસે રેઈડ દરમિયાન પાંચ બાટલા સહિત રૂા.6250 નો મુદ્દામાલ કબ્જે કરી આગળની કાર્યવાહી હાથ ધરી હતી.

આ અંગેની વિગત મુજબ, જામનગર જિલ્લાના મેઘપર નજીક ખોડિયાર મંદિરવાળી શેરીમાં જાહેર રોડ પર ગેસના બાટલાનું રીફીલીંગ કરાતું હોવાની જાણના આધારે સ્થાનિક પોલીસે રેઈડ દરમિયાન રૂા.3500 ની કિંમતના 1 ખાલી અને 1 ભરેલો બાટલો તથા તેમજ 4 કિલોવાળા લાલ કલરના ગેસ ભરેલા 3 બાટલા અને ગેસ રિફીલીંગ માટેની નીપલ તેમજ રૂા.1500 ની કિંમતનો ઈલેકટ્રીક કાટો સહિત કુલ રૂા.6250 ના મુદ્દામાલ સાથે પ્રેમસીંઘ રામાયણસીંઘ કુશ્વાહ નામના શખ્સને પોલીસે ઝડપી લઇ પૂછપરછ હાથ ધરી હતી.