ખંભાળિયામાં પોલીસ તંત્ર દ્વારા એથલેટીક મીટનું આયોજન કરાયું

ખંભાળિયા તાલુકાના વાડીનાર ગામે આવેલા કેપીટી ગ્રાઉન્ડ ખાતે દેવભૂમિ દ્વારકા જિલ્લા પોલીસ દ્વારા ગત સોમવારે એથ્લેટિક મીટ -2022 નું આયોજન કરવામાં આવ્યું હતું. જેમાં દેવભૂમિ દ્વારકા જિલ્લાના તમામ પોલીસ સ્ટેશનના પોલીસઅધિકારીઓ તથા કર્મચારીઓએ મોટી સંખ્યામાં ભાગ લીધો હતો.

આ કાર્યક્રમમાં 100 મીટર, 200 મીટર, 400 મીટર, 5 કી.મી. દોડ ઉપરાંત ગોળાફેંક, ચક્રફેંક, બરછી ફેંક, ઉંચી કૂદ, લાંબી કૂદ વિગેરે રમતોમાં પોલીસ કર્મીઓએ ભાગ લીધો હતો. આ સ્પર્ધામાં અધિકારીઓ દ્વારા પારિતોષિક આપવામાં આવ્યા હતા.