પ્રધાનમંત્રી નરેન્દ્ર મોદીના મંત્રીમડળના વિસ્તરણ બાદ નવા રેલમંત્રી અશ્વિની વૈષ્ણવ ચર્ચામાં છે. રેલમંત્રી બન્યા બાદ તેઓએ સૌથી પહેલા જ મંત્રાલયમાં કર્મચારીઓના કામ કરવાના સમયમાં ફેરફાર કર્યો અને બે શિફ્ટમાં વિભાજન કરવામાં આવ્યું. આ વચ્ચે તેઓનો એક વિડીઓ સોશિયલ મીડિયામાં વાયરલ થયો છે.
રેલમંત્રી અશ્વિની વૈષ્ણવ આ વિડીઓમાં ભારતીય રેલ્વેના સિગ્નલ વિભાગના એક એન્જીન્યરને ગળે મળતા નજર આવે છે. સાથે જ તેઓ કહી રહ્યા છે કે આજથી મને સર નહી બોસ કહીને બોલાવજો. કારણકે અશ્વિની વૈષ્ણવે જોધપુરની એમબીએમ એન્જીનીયરીંગ કોલેજમાં અભ્યાસ કર્યો છે. અને તેઓને ખબર પડી કે આ એન્જીનીયર પણ તેમની જ કોલેજમાંથી છે તો રેલમંત્રી તેમને ગળે મળ્યા અને હંસીને કહ્યું કે, “ અમારી કોલેજમાં બધા જુનિયર તેના સિનીયરને સર નહી બોસ કહીને બોલાવતા તો તમે પણ મને બોસ કહીને બોલાવજો.” આ વિડીઓ હાલ વાયરલ થઇ રહ્યો છે.
