ભાટિયામાં આજથી 30 એપ્રિલ સુધી સ્વૈચ્છિક લોકડાઉન

દેવભૂમિ દ્વારકા જિલ્લાના કલ્યાણપુર તાલુકાના ભાટિયા ગામમાં આજથી તા.30 એપ્રિલ સુધી સ્વૈચ્છિક લોકડાઉન કરવામાં આવ્યું છે. આવશ્યક ચીજવસ્તુઓ મળી રહેશે. આ સિવાયના તમામ વેપારીઓ લોકડાઉનમાં જોડાયા છે. દેવભૂમિ દ્વારકા જિલ્લામાં એક માસથી કોરોના સંક્રમણ વધી રહ્યું છે. જેના કારણે પોઝિટિવ કેસોની સંખ્યામાં નોંધપાત્ર વધારો જોવા મળે છે. આ મહામારીને અટકાવવા માટે કલ્યાણપુર તાલુકાના ભાટિયા ગ્રામ પંચાયત દ્વારા સ્થાનિક વેપારીઓ સાથે ચર્ચા-વિચારણા કર્યા બાદ આજથી તા.30 એપ્રિલ સુધી સ્વૈચ્છિક લોકડાઉન પાડવાનો નિર્ણય કર્યો છે. જો કે, આવશ્યક ચીજવસ્તુઓ જેવી કે તબીબી સેવા, દૂધ-શાકભાજી, ફળફ્રુટ વગેરે મળી રહે તે માટેની વ્યવસ્થા કરવામાં આવી છે.