રાજ્યમાં આપઘાતના કિસ્સાઓ દિવસે દિવસે વધી રહ્યા છે. ત્યારે વડોદરાના એક જ પરિવારના 6 સભ્યોએ ઝેરી દવા ગટગટાવીને આપઘાતનો પ્રયાસ કર્યો છે. જે પૈકી ૩ લોકોના મૃત્યુ થયા છે અને ત્રણ લોકો હાલ હોસ્પિટલમાં સારવાર હેઠળ છે. આર્થિક સ્થિતિ નબળી થતા પરિવારે સામુહિક આત્મહત્યાનો પ્રયાસ કર્યાનું તારણ સામે આવ્યું છે.
વડોદરાના સમા વિસ્તારમાં આવેલ સ્વાતિ સોસાસટીમાં એક જ ઘરમાં રહેતા સોની પરિવારના નરેન્દ્ર સોની, ભાવિન સોની, દીપ્તિ સોની, રિયા સોની, ઉર્વશી સોની સહિતના 6 લોકોએ જંતુનાશક દવા પી લીધી હતી. જેમાં એક બાળકી તેના પિતા મળીને 3 લોકોના મોત થયા હતા. જેના લીધે અરેરાટી થવા પામી છે. પરિવારે પોતાનું મકાન અને દુકાન પણ વહેચી નાખી હતી. જેથી આર્થિક સંકડામણના કારણે આ પગલું ભર્યું હોવાનું પ્રાથમિક તારણ સામે આવ્યું છે. આર્થિક સંકડામણના લીધે સમગ્ર પરિવાર મરવા માટે મજબુર બન્યો હોવાથી અરેરાટી મચી જવા પામી છે. આ અંગે પોલીસ વધુ તપાસ હાથ ધરી રહી છે.
