દેવભૂમિ દ્વારકા જિલ્લામાં ધોરણ 12ની પરીક્ષામાં પાંચમા દિવસે 96 વિદ્યાર્થીઓ ગેરહાજર રહ્યા

દેવભૂમિ દ્વારકા જિલ્લામાં શરૂ થયેલી બોર્ડની પરીક્ષાઓમાં ગઈકાલે શુક્રવારે પાંચમા દિવસે એચ.એસ.સી. વિભાગની વિજ્ઞાન પ્રવાહની પરીક્ષામાં જીવ વિજ્ઞાન વિષયના પેપરમાં કુલ 257 પૈકી 252 વિદ્યાર્થીઓ હાજર રહ્યા હતા. 5 વિધાર્થીઓ ગેરહાજર રહ્યા હતા.

જ્યારે ધોરણ 12 ના સામાન્ય પ્રવાહમાં ભૂગોળની પરીક્ષામાં શુક્રવારે કુલ 1921 પૈકી 47 વિદ્યાર્થીઓ ગેરહાજર નોંધાયા હતા. ત્યારે આ જ પ્રવાહના એસ.પી.સી.સી વિષયના પેપરમાં 1935 વિદ્યાર્થીઓ હાજર રહ્યા હતા અને 44 વિદ્યાર્થીઓની ગેરહાજરી નોંધાઇ હતી. આમ, ગઈકાલે કુલ 96 વિદ્યાર્થીઓ હાજર રહ્યા ન હતા.