જામનગર તાલુકાના મોડપર ગામમાં જાહેરમાં તીનપતિનો જૂગાર રમતા પાંચ શખ્સોને પોલીસે રૂા.12,110 ની રોકડ રકમ અને ગંજીપના સાથે ઝડપી લઇ આગળની કાર્યવાહી હાથ ધરી હતી. જામનગરના તીરૂપતિ સોસાયટીમાંથી તીનપતિનો જૂગાર રમતા છ મહિલાઓને પોલીસે રૂા.13230 ની રોકડ રકમ અને ગંજીપના સાથે ઝડપી લીધા હતાં.
જૂગાર દરોડાની વિગત મુજબ, પ્રથમ દરોડ, જામનગર તાલુકાના મોડપર ગામમાં જાહેરમાં તીનપતિનો જૂગાર રમાતો હોવાની બાતમીના આધારે પંચકોશી બી ડીવીઝન પોલીસ સ્ટાફે રેઇડ દરમિયાન ચના અમરા ઠુંગા, રાજાકશા કરીમશા શાહમદાર, મહેશ દાના મકવાણા, હુશેન અબ્બાસ શેખ, નવલ સાજણ ઠુંગા નામના પાંચ શખ્સોને રૂા.12,110 ની રોકડ રકમ અને ગંજીપના સાથે ઝડપી લઇ આગળની કાર્યવાહી હાથ ધરી હતી. બીજો દરોડો,જામનગર શહેરમાં ઢીચડા રોડ પર આવેલી તીરૂપતિ સોસાયટીમાંં જાહેરમાં તીનપતિનો જૂગાર રમતા હોવાની બાતમીના આધારે સીટી સી ડીવીઝન પોલીસ સ્ટાફે રેઈડ દરમિયાન રૂા.13230 ની રોકડ રકમ અને ગંજીપના સાથે છ મહિલાઓને ઝડપી લઇ ગુનો નોંધી આગળની કાર્યવાહી હાથ ધરી હતી.
