જામનગર શહેરમાં એકડેએક બાપુની દરગાહ તરફના માર્ગ પર ઈંટોના ભઠ્ઠા પાસે જાહેરમાં તીનપતિનો જૂગાર રમતા પાંચ શખ્સોને રૂા.10210 ની રોકડ રકમ અને ગંજીપના સાથે ઝડપી લીધા હતાં. જામનગર તાલુકાના સીક્કા ગામમાંથી જૂગાર રમતા પાંચ શખ્સોને પોલસે રૂા.10120 ની રોકડ રકમ સાથે ઝડપી લઇ નાશી ગયેલા સાત સહિતના બાર શખ્સો વિરૂધ્ધ ગુનો નોંધી આગળની કાર્યવાહી હાથ ધરી હતી.
જૂગાર દરોડાની વિગત મુજબ, પ્રથમ દરોડો જામનગર શહેરમાં એકડેએક બાપુની દરગાહ તરફના માર્ગ પર આવેલા ઈંટોના ભઠ્ઠાની બાજુમાં જાહેરમાં તીનપતિનો જૂગાર રમતા હોવાની બાતમીના આધારે સિટી બી ડીવીઝન પોલીસ સ્ટાફે રેઈડ દરમિયાન જુનુસ જુસબ લંધા, રફિક ઉમર ઓંધીયા, ઈકબાલ ગફાર જામ, ઈકબાલ મુસા ફકીર, યુનુસ ઈસ્માઈલ નાઈ નામના પાંચ શખ્સોને રૂા.10210 ની રોકડ રકમ અને ગંજીપના સાથે ઝડપી લીધા હતાં.
બીજો દરોડો, જામનગર તાલુકાના સીક્કા ગામમાં જાહેરમાં તીનપતિ રમતા હોવાની બાતમીના આધારે સ્થાનિક પોલીસે રેઈડ દરમિયાન બસીર ઉર્ફે લેટેસ્ટ ઈસ્માઈલ ઉર્ફે કોકો પટેલ ઘોડીવાળા, અમિન ઉર્ફે ડાડો ઉર્ફે કાળો માટો ઈસ્માઇલ બારોયા, જાવીદ ઉર્ફે સાકાલ વલીમામદ બારોયા, મહેબુબ ઉર્ફે મેબલો અબ્દુલ સંઘાર, મામદ ઉર્ફે બોજો અબ્બાસ ગજણ નામના પાંચ શખ્સોને રૂા.10120 ની રોકડ રકમ અને ગંજીપના સાથે ઝડપી લીધા હતાં તેમજ રેઈડ પૂર્વે શબીર અબ્દુલ સંઘાર, અકબર અબ્દુલ સંઘાર, હુશેન ઈસ્માઇલ રાજા, અબ્બાસ જાનમામદ સુંભણિયા, ડાડા અબ્દુલ કુંગડા, રફિક ઈશાક સુંભણિયા, જાવીદ ઈસ્માઇલ ગાધ નામના સાત શખ્સો નાશી ગયા હતાં. જેથી એએસઆઈ જે.આર. જાડેજા તથા સ્ટાફે 12 શખ્સો વિરૂધ્ધ ગુનો નોંધી તપાસ આરંભી હતી.
