ગળાનો સોજો, દુ:ખાવો અને ઈન્ફેકશનનો ઉપચાર માટે ઉપયોગી ઔષધો

શિયાળાની સીઝનમાં સામાન્ય રીત દરેક ઘરમાં લોકોની સામાન્ય તકલીફ એટલે, શરદી, તાવ, ઉધરસ, ગળામાં સોજો, ઈન્ફેકશન વગેરે….જરાક અમસ્તુ ઠંડુ ખવાઈ જતા તરત જ ગળામાં ખરાશ કે ઈન્ફેકશન થઈ જતું જોવા મળે છે. જો ધ્યાન ન દેવાય તો દુ:ખાવો અને સોજો પણ થઈ જાય છે. ત્યારે આયુર્વેદિક દુનિયાના અમન ચુડાસમા આપણને આ સમસ્યાના સમાધાન માટે ઉપચાર જણાવે છે.

1. આદુ :
   પેટથી લઇને વાળ અને અન્ય રોગોમાં પણ બહુ જ ગુણકારી છે આદુ. આદુમાં રહેલું જિન્જેરોલ અને અન્ય તત્વો શિયાળામાં બહુ જ ફાયદો કરે છે. તેની તાસીર ગરમ હોય છે. અને તેના એન્ટીબેકટેરીયલ તત્વ ગળામાં સોજાની સમસ્યા દૂર કરે છે તેથી આદુનું સેવન કરો અને આદુની ચા બનાવીને પણ પી શકાય છે.
2. લીંબુ પાણી:
   એક ગ્લાસ નવસેા પાણીમાં લીંબુનો રસ અને ચપટી મીઠું અને તમને જરૂર લાગે તો થોડી ખાંડ નાખીને પીવું જોઇએ. તેનાથી ગળાને ખારાશથી આરામ મળે છે.
3. ગરમ પાણીના કોગળા:
   ગળાની સમસ્યા થાય તો ડોકટર પણ રમ પાણી અને મીઠાના કોગળા કરવાની સલાહ આપે છે. તે ગળામાં ઈન્ફેકશન સોજો અને ખરાશને પણ દુર કરે છે. જેનાથી ગળામાં દુ:ખાવો પણ દૂર થાય છે.
4. જેઠીમધ ખાઓ :
   જેઠીમધ શિયાળામાં થતી સમસ્યાઓ માટે રામબાણનું કામ કરે છે. સાથે જ તેના ઔષધિય ગુણ ઘણી સમસ્યાઓમાં લાભકારક છે. સિઝનલ ચેન્જિસમાં ગળામાં ઈન્ફેકશન અને દુ:ખાવો થાય તો જેઠીમધનું ચૂર્ણ મોંમાં રાખી ચુસવાથી તરત આરામ મળે છે.

(અસ્વીકરણ: સલાહ સહિતની આ સામગ્રી માત્ર સામાન્ય માહિતી પ્રદાન કરે છે. તે કોઈ પણ રીતે યોગ્ય તબીબી અભિપ્રાયનો વિકલ્પ નથી. વધુ વિગતો માટે હંમેશા નિષ્ણાત અથવા તમારા ડૉક્ટરની સલાહ લો. ખબર ગુજરાત આ માહિતીની જવાબદારી સ્વીકારતું નથી.)