જામનગર શહેરના પ્રદર્શન મેદાન પાસેથી સિટી એ ડીવીઝન પોલીસ સ્ટાફે સીસીટીવી ફુટેજ અને બાતમીના આધારે બે મહિલાઓને પીતળના ચોરાઉ સામાન સાથે ઝડપી લીધા હતાં.
મળતી વિગત મુજબ, જામનગર શહેરમાં પીતળના ચોરાઉ સળિયા સાથે બે મહિલાઓ પ્રદર્શન મેદાન નજીક આવવાની પો.કો. હિતેશભાઈ સાગઠીયા, હેકો શૈલેષભાઈ ઠાકરીયાને મળેલી બાતમીના આધારે પીઆઈ એન.એ.ચાવડા, હેકો. નરેન્દ્રસિંહ ઝાલા, દેવાયતભાઈ કાંબરીયા, મહિપાલસિંહ જાડેજા, રવિરાજસિંહ જાડેજા, શૈલેષભાઈ ઠાકરીયા, સુનિલભાઈ ડેર, પો.કો. ખોડુભા જાડેજા, વિજય કાનાણી, રવિભાઈ શર્મા, વિક્રમસિંહ જાડેજા, રાજેન્દ્રસિંહ ડોડિયા અને યોગેન્દ્રસિંહ સોઢા, રાકેશ ચૌહાણ, હિતેશ સાગઠિયા, ઋષિરાજસિંહ જાડેજા સહિતના સ્ટાફે કમાન્ડ કંટ્રોલ રૂમના સીસીટીવી ફુટેજના આધારે પ્રદર્શન મેદાન પાસેથી ગીતાબેન વનરાજ કરશન પરમાર અને સામુબેન રવિ જેન્તી પરમાર નામની બે મહિલાઓને ઝડપી લઇ તેમની પાસેથી રૂા.40000 ની કિંમતના 80 કિલો પીતળના ચોરસ ચોરાઉ સળિયા મળી આવતા બંને મહિલાઓની ધરપકડ કરી આગળની તપાસ હાથ ધરી હતી.
