જામનગર શહેરમાંથી જૂગાર રમતા બે શખ્સ ઝડપાયા

જામનગર શહેરના દિગ્વીજય પ્લોટ 49 માં ભારતીય ચલણી નોટો પર એકી બેકીનો જૂગાર રમતા બે શખસોને સીટી સી ડીવીઝન પોલીસ સ્ટાફે રૂા.10,090 ની રોકડ રકમ સાથે ઝડપી લીધા હતાં.

જૂગાર દરોડાની વિગત મુજબ, જામનગર શહેરમાં 49 દિગ્વીજય પ્લોટ વિસ્તારમાં જાહેરમાં જૂગાર રમતા હોવાની બાતમીના આધારે સિટી સી ડીવીઝન પોલીસ સ્ટાફે રેઈડ દરમિયાન જાહેરમાં ભારતીય ચલણી નોટો પર એકી બેકીનો જુગાર રમતા નિરવ ભરત નળિયાપરા, હુશેન કાસમ શેખ નામના બે શખ્સોને રૂા.10,090 ની રોકડ રકમ સાથે ઝડપી લઇ આગળની કાર્યવાહી હાથ ધરી હતી.