જામનગરમાંથી જૂગાર રમતા બે શખ્સ ઝડપાયા

જામનગર શહેરના હવાઇ ચોક નજીક ખંભાળિયા ગેઈટ સર્કલ પાસે જાહેરમાં એકીબેકીના આંકડા બોલી જૂગાર રમતા બે શખસોને પોલીસે રૂા.4070 ની રોકડ રકમ સાથે ઝડપી લીધા હતાં.

જૂગાર દરોડાની વિગત મુજબ, જામનગર શહેરમાં હવાઇ ચોકમાં ખંભાળિયા ગેઈટ સર્કલ પાસે જાહેરમાં ભારતીય ચલણી નોટો ઉપર એકી બેકીનો જૂગાર રમતા હસમુખ ગોપાલજી નાખવા અને જીતેન્દ્ર હોતચંદ હારવાણી નામના બે શખ્સોને સિટી એ ડીવીઝન પોલીસ સ્ટાફે રેઈડ દરમિયાન રૂા.4070 ની રોકડ રકમ સાથે ઝડપી લઈ આગળની કાર્યવાહી હાથ ધરી હતી.