ખંભાળિયા નાકા નજીકથી એકી બેકીનો જૂગાર રમતા બે શખ્સો ઝડપાયા

જામનગર શહેરમાં ખંભાળિયા નાકા બહાર જાહેરમાં એકીબેકીનો જૂગાર રમતા બે શખ્સોને સિટી એ પોલીસે રૂા.10350 ની રોકડ સહિતના મુદ્દામાલ સાથે ઝડપી લઇ કાયદેસરની કાર્યવાહી કરી હતી.

આ અંગેની વિગત મુજબ, જામનગર શહેરમાં ખંભાળિયા નાકા પાસે બજરંગ હોટલની સામે બે શખ્સો ચલણી નોટો પર એકી બેકીનો જૂગાર રમતા હોવાની સિટી એ ના પો.કો. ખોડુભા જાડેજા તથા રાજેન્દ્રસિંહ ડોડિયાને મળેલી બાતમીના આધારે જિલ્લા પોલીસવડા પ્રેમસુખ ડેલુની સૂચના અને નાયબ પોલીસ અધિક્ષક વરુણ વસાવા તથા પીઆઈ એમ.બી. ગજ્જરના માર્ગદર્શન હેઠળ સીટી એ પોલીસ સ્ટાફ દ્વારા રેઈડ દરમિયાન કલ્પેશ ઉર્ફે પ્રાઈસમ વિનોદ કટારમલ તથા ઈમરાન બસીર બ્લોચ નામના બે શખ્સોને રૂા.10350 ની રોકડ સહિતના મુદ્દામાલ સાથે ઝડપી લીધા હતાં.