કાલાવડ તાલુકાના મોટી માટલી ગામ નજીક આવેલી હોટલ પાસેથી પસાર થતા એકટીવાચાલકને સામેથી આવતા બાઈકસવારે ધડાકાભેર ઠોકર મારતા અકસ્માતમાં એકટીવાચાલક યુવકનું ગંભીર ઈજા પહોંચતા મોત નિપજ્યું હતું.
અકસ્માતના બનાવની વિગત મુજબ, જામનગર શહેરના રામેશ્ર્વરનગર માટેલ ચોક વિસ્તારમાં રહેતો આશિષ દિલીપભાઈ દોલતાણી નામનો યુવક ગત તા.14 જાન્યુઆરીના રોજ જામનગરથી કાલાવડ નજીક આવેલા રણુજા મંદિરે તેના જીજે-10-સીજે-9029 નંબરના એકટીવા પર જતો હતો તે દરમિયાન મોટી માટલી ગામ નજીક પહોંચ્યો ત્યારે કાલાવડ તરફથી પૂરપાટ આવી રહેલા જીજે-10-એએ-9215 નંબરના બાઈકસવારે આશિષના એકટીવા સાથે ધડાકાભેર અથડાતા અકસ્માત થયો હતો. આ અકસ્માતમાં આશિષને માથામાં તેમજ હાથમાં ગંભીર ઈજા પહોંચતા યુવકને સારવાર માટે હોસ્પિટલમાં ખસેડવામાં આવ્યો હતો. જ્યાં યુવકનું સારવાર દરમિયાન મોત નિપજ્યાનું તબીબોએ જાહેર કર્યુ હતું. આ અંગે મૃતકની માતા સપનાબેન દ્વારા જાણ કરવામાં આવતા પીએસઆઈ વી.એ. પરમાર તથા સ્ટાફે મૃતદેહનો કબ્જો સંભાળી પીએમ માટે મોકલી આગળની કાર્યવાહી હાથ ધરી હતી.
