જામનગરમાંથી ઘોડીપાસાનો જૂગાર રમતા ત્રણ શખ્સ ઝડપાયા

જામનગર શહેરમાં સેટેલાઈટ સોસાયટી વિસ્તારમાં જાહેરમાં ઘોડીપાસાનો જૂગાર રમતા ત્રણ શખ્સોને પોલીસે રૂા.14,700 ની રોકડ રકમ સાથે ઝડપી લીધા હતાં.

દરોડાની વિગત મુજબ, જામનગર શહેરમાં સેટેલાઈટ સોસાયટી હુશેની ચોકમાં જાહેરમાં ઘોડીપાસાનો જૂગાર રમાતો હોવાની બાતમીના આધારે સીટી એ ડીવીઝન પોલીસ સ્ટાફે રેઈડ દરમિયાન અસગર અનવર મિનાણી, મહેબુબ જલાલ શેખ, અસ્ફાક જુમા આંબલીયા નામના ત્રણ શખ્સોને રૂા.14,700 ની રોકડ રકમ અને ઘોડીપાસા સાથે ઝડપી લઈ આગળની કાર્યવાહી હાથ ધરી હતી.