જામનગર જિલ્લાના જોડિયા ગામના લક્ષ્મીપરા વિસ્તારમાં જાહેરમાં વર્લી મટકાના આંકડાનો જુગાર રમાતો હોવાની બાતમીના આધારે એલસીબીની ટીમએ રેઇડ દરમ્યાન રૂા. 72,250ના મુદામાલ સાથે પોલીસે ત્રણ શખ્સોને ઝડપી લઇ આગળની કાર્યવાહી હાથ ધરી હતી.
દરોડાની વિગત મુજબ જામનગર જિલ્લાના જોડિયા ગામમાં લક્ષ્મીપરા વિસ્તારમાં વર્લી મટકાના આંકડા લખી જુગાર રમાતો હોવાની એલસીબીના ભરતભાઇ ડાંગર, કિશોરભાઇ પરમાર, અજયભાઇ વીરડાને મળેલી સંયુક્ત બાતમીના આધારે પોલીસ અધિક્ષક ડો. રવિ મોહન સૈનીની સૂચનાથી પીઆઈ વી.એમ. લગારીયા, પીએસઆઇ સી. એમ. કાંટેલિયા, પી.એન. મોરી તથા સ્ટાફના હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલાવાડિયા, હિરેનભાઇ વરણવા, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, બળવંતસિંહ પરમાર, મયૂરસિંહ પરમાર, યુવરાજસિંહ ઝાલા, ભયપાલસિંહ જાડેજા, અજયભાઇ વીરડા, કિશોરભાઈ પરમાર, ઋષિરાજસિંહ વાળા, ભરતભાઇ ડાંગર, ઘનશ્યામભાઇ ડેરવાડિયા, સુમિતભાઇ શિયાર, સુરેશભાઇ માલકિયા, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે રેઇડ દરમ્યાન અનવર મુસા રાધા, અકરમ હારૂન વાઘેર, રઝાક મામદ સાઇચા નામના ત્રણ શખ્સોને રૂા. 16,250ની રોકડ રકમ, રૂા. 6 હજારની કિંમતના ત્રણ મોબાઇલ, રૂા. 50 હજારની કિંમતનું બાઇક મળી કુલ રૂા. 72,250ના મુદામાલ સાથે ઝડપી લઇ પૂછપરછ હાથ ધરતાં આ વર્લી મટકાની કપાત રાજકોટના સૈયદ બાપુ પાસે કરાવતા હોવાની કેફિયતના આધારે એલસીબીએ ચાર શખ્સો વિરૂઘ્ધ ગુનો નોંધી કાર્યવાહી હાથ ધરી હતી.
