બેહના મહિલાએ ઝેરી દવા પીને જીંદગી ટૂંકાવી

ખંભાળિયા તાલુકાના બેહ ગામે રહેતા જેવાબેન વેજાણંદભાઈ પતાણી નામના મહિલાને છેલ્લા ત્રણેક દાયકાથી હિસ્ટોરિયાની બીમારી તેમજ છેલ્લા સાત-આઠ વર્ષથી માનસિક બીમારી હોય, આ બીમારીથી કંટાળીને તેમણે તારીખ ગત 29 મીના રોજ પોતાની વાડીએ કપાસમાં છાંટવાની ઝેરી દવા પી લેતા તેમને સારવાર સાથે હોસ્પિટલમાં ખસેડવામાં આવ્યા હતા. જ્યાં સારવાર દરમિયાન તેમનું મૃત્યુ નીપજ્યું હતું.

આ બનાવની જાણ મૃતકના પતિ વેજાણંદભાઈ મોમૈયાભાઈ પતાણીએ અહીંની પોલીસને કરી છે.