જામનગરમાં પ્રથમ મેજર રેંકીંગ ટેબલ ટેનિસ સ્પર્ધા

જામનગર ડિસ્ટ્રીકટ ટેબલ ટેનિસ એસોસિએશન તથા જીએસટીટીએ દ્વારા યોજાનાર 5્રથમ મેજર રેંકીંગ ટેબલ ટેનિસ ટુર્નામેન્ટ જામનગરમાં આગામી તા. 24, 25 અને 26ના રોજ જેએમસી સ્પોર્ટસ સંકુલમાં યોજાનાર છે.
રાજ્યસ્તરના રમતવીરોના ચયન તથા સ્પર્ધા જામનગરમાં યોજાવા જઇ રહી છે. તે જામનગર માટે ખૂબ જ ગૌરવની વાત કહેવાય અને આ સ્પર્ધામાં સમગ્ર ગુજરાતના ટેબલ ટેનિસના પ્લેયર્સ ઉત્સાહ સાથે ભાગ લેનાર છે.

આ સ્પર્ધા માટે ગુજરાતભરમાંથી 225 થી 250 જેટલા પાર્ટીસીપેન્ટસો ભાગ લેશે, રાજ્યની રેંકીંગ ટુર્નામેન્ટ પર આધારીત રહેતી હોય છે. વિજેતાઓ રોકડ ઇનામોની સાથે પોઇન્ટ મેળવતા હોય છે. સૌથી વધુ પોઇન્ટસ મેળવનાર વિજેતા ગુજરાતની ટીમમાં સમાવેશ થાય છે. આ ટુર્નામેન્ટ દ્વારા ગુજરાતની આગામી ટીમના પ્લેયર્સ નક્કી થતાં હોય છે. સ્પર્ધા માટે ઇન્ટરનેશનલ તથા નેશનલ લેવલ પર રિફર કરાતા હોય તેવા રેફ્રી સમગ્ર મેચીસનું નિરિક્ષણ કરશે.

આ સ્પર્ધાનું આયોજન જામનગરમાં કરવા પાછળનું જામનગર ડિસ્ટ્રીકટ ટેબલ ટેનિસ એસો.નો મુખ્ય ઉદ્ેશ જામનગરના બાળકો તથા યુથમાં સ્પોર્ટસ અંગેની જાગૃતિ તથા પ્રેરણા આપવાનું છે. આ સ્પર્ધામાં જામનગરની અગ્રગણ્ય શાળઓના પ્રિન્સીપાલ તથા સ્પોર્ટસ શિક્ષકોને હાજર રહી શાળામાં સ્પોર્ટસના પ્રસાર-પ્રચાર માટે ખાસ આમંત્રિત કરવામાં આવ્યા છે. જેડીટીટીએની ટીમ ટેબલ ટેનિસમાં આગળ વધવા માંગતા વિદ્યાર્થીઓ, બાળકો માટે યોગ્ય સવલતો ઉભી કરવા માટે કટિબધ્ધતા ધરાવે છે.

જામનગરમાં આવી રાજ્યકક્ષાની ટુર્નામેન્ટનું આયોજન જેડીટીટીએની સમગ્ર ટીમની મહેનત દ્વારા શકય બન્યું છે. તેમ જેડીટીટીએના પ્રેસિડેન્ટ વિક્રમસિંહ જાડેજાનું માનવું છે. આ કાર્યક્રમને સફળ બનાવવા જેડીડીટીએના સમગ્ર કાર્યકારી સદશ્યો જેમાં વા.પ્રેસિડન્ટ જયેશ શાહ, સેક્રેટરી પ્રકાશ નંદા, ટ્રેઝરર કમલેશ પરમાર, જોઇન્ટ સેક્રેટરી ઉર્મિલ શાહ તથા મીડીયા ઇન્ચાર્જ ઉદય કટારમલ દ્વારા સમગ્ર કાર્યક્રમ માટેની તૈયારીઓ કરવામાં આવેલ છે.