જામનગર શહેરમાં પ્રોહિબીશનના ગુનામાં નાસતા ફરતા આરોપીને પેરોલ ફર્લો સ્કવોર્ડે નાઘેડી ગામમાંથી ઝડપી લઇ સિટી સી ડીવીઝનને સોંપવા તજવીજ હાથ ધરી હતી.
મળતી વિગત મુજબ, જામનગર શહેરના સિટી સી ડીવીઝનમાં નોંધાયેલા પ્રોહિબીશનના તથા મારામારીના ગુનામાં નાસતા ફરતા આરોપી અંગે ભગીરથસિંહ સરવૈયા, ગજેન્દ્રસિંહ જાડેજા, કરણસિંહ જાડેજા, લખધીરસિંહ જાડેજાને મળેલી બાતમીના આધારે પોલીસ અધિક્ષક પ્રેમસુખ ડેલુની સૂચનાથી પીઆઇ જે.વી. ચૌધરીના માર્ગદર્શન હેઠળ પીએસઆઈ એલ.જે.મિયાત્રા, એએસઆઈ ગોવિંદભાઈ ભરવાડ, લખધીરસિંહ જાડેજા, કરણસિંહ જાડેજા, ગજેન્દ્રસિંહ જાડેજા તથા હેકો સલીમભાઈ નોયડા, ભગીરથસિંહ સરવૈયા, ભરત ડાંગર, રણજીતસિંહ પરમાર તથા પો.કો. મહિપાલભાઇ સાદિયા, ધર્મેન્દ્રભાઈ વૈષ્ણવ, ધર્મેન્દ્રસિંહ જાડેજા, હેકો અરવિંદગીરી ગોસાઈ, એલસીબી હેકો નિર્મળસિંહ જાડેજા, પો.કો. બળવંતસિંહ પરમાર સહિતના સ્ટાફે નાઘેડી ગામમાં આવેલા માધવ રેસીડેન્સમાંથી સુનિલ ઉર્ફે સાગર હમીર માણેક નામના શખ્સને દબોચી લઇ સિટી સી ડીવીઝનને સોંપવા તજવીજ આરંભી હતી. સુનિલ વિરૂધ્ધ ઈંગ્લીશ દારૂ-મારામારી તથા ખંભાલિયા પોલીસ સ્ટેશનમાં દારૂ સહિતના પંદર જેટલા ગુનાઓ નોંધાયેલા છે.
