જામનગર શહેરના દિગ્વીજય પ્લોટ વિસ્તારમાં રહેતાં અને ચાર માસથી ઇંગ્લીશ દારૂના વેચાણના ગુનામાં નાસતા ફરતા શખ્સને એલસીબીની ટીમે દિગ્વીજય પ્લોટ વિસ્તારમાંથી દબોચી લઇ પંચકોશી બી પોલીસને સોંપવા કાર્યવાહી હાથ ધરી હતી.
આ અંગેની વિગત મુજબ, જામનગર જિલ્લાના પંચકોશી બી ડીવીઝનમાં વર્ષ 2023 માં નોંધાયેલા ઈંગ્લીશ દારૂના તથા બેડી મરીન પોલીસ સ્ટેશનમાં નોંધાયેલા ઈંગ્લીશ દારૂના વેચાણના ગુનામાં નાસતા ફરતા શખ્સ અંગેની એલસીબીના યશપાલસિંહ જાડેજા, દોલતસ્હિં જાડેજા, શિવભદ્રસિંહ જાડેજા, ધર્ર્મેન્દ્રસિંહ જાડેજાને મળેલી બાતમીના આધારે પોલીસ અધિક્ષક પ્રેમસુખ ડેલુની સુચનાથી પીઆઈ જે.વી. ચૌધરી, પીએસઆઈ એસ.પી.ગોહિલ તથા સ્ટાફના સંજયસિંહ વાળા, હરપાલસિંહ સોઢા, ભરતભાઈ પટેલ, શરદભાઈ પરમાર, દિલીપભાઈ તલાવડિયા, ભગરથસિંહ સરવૈયા, હરદીપભાઈ ધાંધલ, અશોકભાઈ સોલંકી, વનરાજભાઇ મકવાણા, ધાનાભાઈ મોરી, યશપાલસિંહ જાડેજા, હિતેન્દ્રસિંહ જાડેજા, અજયસિંહ ઝાલા, શિવભદ્રસિંહ જાડેજા, નિર્મળસિંહ જાડેજા, રાકેશભાઈ ચૌહાણ, કિશોરભાઈ પરમાર, સુરેશભાઇ માલકિયા, દયારામ ત્રિવેદી, બિજલભાઈ બાલસરા, ધર્મેન્દ્રસિંહ જાડેજા સહિતના સ્ટાફે વોચ ગોઠવી દિગ્વીજય પ્લોટ 58 ના છેડેથી પ્રફુલ્લ ઉર્ફે પાગો ખજુરીયાભાઈ ભદ્રા નામના શખ્સને દબોચી લઇ પંચ બી પોલીસને સોંપવા તજવીજ હાથ ધરી હતી.
