જામનગર જિલ્લાના ચાર પોલીસ સ્ટેશનમાં દારૂ વેચાણ અંગે નોંધાયેલ ગુનાનો આરોપી નાસતો ફરતો હોય જામનગર એલસીબીએ જામનગર જિલ્લા પંચાયતના ગેઈટ પાસેથી ઝડપી લીધો હતો.
આ અંગેની વિગત મુજબ, જામનગર સિટી એ પોલીસ, પંચ એ પોલીસ, ધ્રોલ પોલીસ તથા સિટી સી પોલીસ સ્ટેશનમાં પાર્થ ઉર્ફે જાબલી જીતેન્દ્ર શોભરાજ કટીયારા નામના શખ્સ વિરૂધ્ધ દારૂ વેચાણ અંગે ગુનો નોંધાયો હતો. આ ચારેય કેસમાં આરોપી નાસતો ફરતો હોય આ દરમિયાન એલસીબીના હેકો ધાનાભાઈ મોરી, વનરાજભાઈ મકવાણા તથા રાકેશ ચૌહાણને મળેલ બાતમીના આધારે જિલ્લા પોલીસવડા પ્રેમસુખ ડેલુની સૂચના તથા એલસીબીના ઈન્ચાર્જ પીઆઈ કે.જે. ભોયેના માર્ગદર્શન હેઠળ પીએસઆઈ આર.બી.ગોજિયા, સી.એમ. કાંટેલિયા આર.કે. કરમટા, એએસઆઈ માંડણભાઈ વસરા તથા સ્ટાફના સંજયસિંહ વાળા, હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલવાડિયા, હિરેનભાઈ વરણવા, ભગીરથસિંહ સરવૈયા, હરદીપભાઈ ધાધલ, વનરાજભાઈ મકવાણા, ધાનાભાઈ મોરી, અશોકભાઈ સોલંકી, યશપાલસિંહ જાડેજા, હિતેન્દ્રસિંહ જાડેજા, દોલતસિંહ જાડેજા, ઘનશ્યામભાઈ ડેરવાળિયા, ફીરોજભાઈ ખફી, અજયસિંહ ઝાલા, શીવભદ્રસિંહ જાડેજા, નિર્મળસિંહ જાડેજા, યોગરાજસિંહ રાણા, કિશોરભાઈ પરમાર, બળવંતસિંહ પરમાર, રાકેશ ચૌહાણ, સુરેશભાઈ માલકિયા, ધમેન્દ્રસિંહ જાડેજા અને દયારામ ત્રિવેદી, ભારતીબેન ડાંગર સહિતના સ્ટાફ દ્વારા જામનગર જિલ્લા પંચાયતના ગેઈટ પાસેથી પાર્થ ઉર્ફે જાબલી જીતેન્દ્ર શોભરાજ કટીયારા નામના શખ્સને ઝડપી લઇ સીટી એ પોલીસને સોંપી આપ્યો હતો.
