એડવાન્સ ટોવ્ડ આર્ટિલરી ગન સિસ્ટમનું પોખરણ ફિલ્ડ ફાયરિંગ રેન્જ ખાતે સફળતાપૂર્વક પરીક્ષણ કરવામાં આવ્યું હતું. ડીઆરડીઓએ આ જાણકારી આપી. ડીઆરડીઓ અનુસાર આ પરીક્ષણ 26 એપ્રિલથી 2 મે 2022 દરમિયાન કરવામાં આવ્યું હતું. એડવાન્સ ટોવ્ડ આર્ટિલરી ગન સિસ્ટમ એ ડીઆરડીઓ દ્વારા વિકસિત આધુનિક આર્ટિલરી ગન છે. આ બંદૂક ભારત ફોર્જ લિમિટેડ અને ટાટા એડવાન્સ સિસ્ટમ લિમિટેડ દ્વારા બનાવવામાં આવી છે. અત્યાર સુધીમાં તેના માટે છથી સાત ટેસ્ટ કરવામાં આવ્યા છે. તે સૌપ્રથમ 26 જાન્યુઆરી 2017ના રોજ પ્રજાસત્તાક દિવસની પરેડમાં જાહેર જનતા માટે પ્રદર્શિત કરવામાં આવ્યું હતું. આ સફળ પરીક્ષણથી સેનાના ભવિષ્યના પડકારોનો સામનો કરવામાં આવશે અને સેનાની ફાયરપાવર વધુ મજબૂત થશે.
તેનું પહેલું ટેસ્ટ 2016માં કરવામાં આવ્યું હતું. જો તેની વિશેષતા વિશે વાત કરીએ તો તેનું વજન 18 ટન છે. તે સૌથી લાંબી રેન્જ સુધી મારવામાં સક્ષમ સ્વદેશી બંદૂક છે. તેની ટ્યુબ એટલે કે બેરલની લંબાઈ 8,060 મિલીમીટર છે. તે માઈનસ 3 ડોગ્રીથી વત્તા 75 ડીગ્રી સુધીની ઉચાઈ લઈ શકે છે. તેની ફાયરિંગ રેન્જ 48 કિમી છે. એડવાન્સ ટોડ આર્ટિલરી ગન સિસ્ટમ વિકસાવવામાં લગભગ ચાર વર્ષ લાગ્યાં. તમને જણાવી દઈએ કે ભારતીય સેના પાસે હાલમાં આ 155 એમએમની સાત ગન છે.
ગયા મહિનાની 12 તારીખે હેલિકોપ્ટર દ્વારા ટેન્ક ડિસ્ટ્રોયર હેલિના’ મિસાઈલનું બીજું સફળ પરીક્ષણ કરવામાં આવ્યું હતું. સંરક્ષણ મંત્રાલયે એક નિવેદનમાં કહ્યું કે ’હેલિના’નું પ્રથમ સફળ પરીક્ષણ એક દિવસ પહેલા કરવામાં આવ્યું હતું. બંને પરીક્ષણ એડવાન્સ લાઈટ હેલિકોપ્ટર દ્વારા કરવામાં આવ્યા હતા. નિવેદનમાં કહેવામાં આવ્યું છે કે આજનું પરીક્ષણ અલગ-અલગ પરિમિતિ અને ઊચાઈઓ પરથી કરવામાં આવ્યું હતું. યોજના મુજબ મિસાઈલે ટેન્કની પ્રતિકૃતિના લક્ષ્યને સચોટ રીતે માર્યું હતું. પરીક્ષણ દરમિયાન સેનાના વરિષ્ઠ કમાન્ડર અને સંરક્ષણ સંશોધન અને વિકાસ સંગઠન (ડીઆરડીઓ)ના વૈજ્ઞાનિકો હાજર હતા.
મંત્રાલયે જણાવ્યું હતું કે પરીક્ષણની સાથે ઈમેજિંગ ઈન્ફા-રેડ સ્કિલ સિસ્ટમ સહિત મિસાઇલનું સંપૂર્ણ સિસ્ટમ પ્રદર્શન સફળ રહ્યું છે, જે હેલિનાને સશસ્ત્ર દળોમાં સામેલ કરવામાં મદદ કરશે. હેલિના દિવસ કે રાત તમામ હવામાન પરિસ્થિતિઓમાં લક્ષ્યોને હિટ કરવામાં સક્ષમ છે અને પરંપરાગત આર્મ્ડ સિસ્ટમ્સ અને યુદ્ધ ટેન્કનો નાશ કરી શકે છે.
અગાઉ, ડિફેન્સ રિસર્ચ એન્ડ ડેવલપમેન્ટ ઓર્ગેનાઈઝેશનએ ઓડિશાના બાલાસોરના દરિયા કિનારે 2 મીડિયમ રેન્જ સરફેસ-ટુ-એર મિસાઈલ સિસ્ટમનું સફળતાપૂર્વક પરીક્ષણ કર્યું હતું. ડીઆરડીઓના સૂત્રોએ જણાવ્યું હતું કે આ પરીક્ષણ ઝડપથી નજીક આવતા હવાઈ લક્ષ્યો સામે જીવંત ફાયરિંગ પરીક્ષણના ભાગ રૂપે કરવામાં આવ્યું હતું. તેમણે કહ્યું કે મિસાઈલે લક્ષ્યોને અટકાવ્યા અને તેમને સંપૂર્ણ રીતે નષ્ટ કરી દીધા અને બંને રેન્જમાં લક્ષ્યને સીધું મારવાની ક્ષમતા દર્શાવી.
