અમેરિકાના ભૂતપૂર્વ પ્રેસિડેન્ટ ડોનાલ્ડ ટ્રમ્પ કોરોનનાગ્રસ્ત થયા ત્યારે તેમને જે એન્ટીબોડી કોકટેલ સારવાર અપવામાં આવી હતી તે સારવારને હવે ભારતમાં પણ મંજુરી મળી ગઈ છે. અને આ ઇન્જેક્શન ગુજરાત આવી પહોચતા વડોદરામાં ખાનગીહોસ્પિટલમાં કોરોનાગ્રસ્ત મહિલા પર તેનો સફળ પ્રયોગ કરવામાં આવ્યો છે.
વડોદરા ગોત્રી ખાનગી હોસ્પિટલમાં 54 વર્ષીય કોરોના પોઝીટીવ મહિલા અને ડાયાબિટીસથી પીડાતી મહિલાને આ ઇન્જેક્શન આપવામાં આવ્યું છે. અને તે સફળ હોવાનો દાવો ડોક્ટર દ્રારા કરવામાં આવ્યો છે. જે મહિલાને ઇન્જેક્શન આપવામાં આવું હતું તેના ફેફસા 20% સંક્રમીત થયા હતા.
કોરોનાના માઇલ્ડથી મોડરેટ દર્દીઓની સારવાર માટે વપરાતા અને 70 ટકા સુધી મૃત્યુની શક્યતા ઘટાડતા બે ડ્રગના ( ઇનોડોવિમેબ અને કાસિરિવિમેબ) 14 કોકટેઇલ ઇન્જેકશનનો જથ્થો વડોદરા ખાતે આવ્યો હતો. સ્વિત્ઝર્લેન્ડની રોશ કંપનીના આ ઇન્જેકશનનો સીધો કંપનીમાંથી જ ગુજરાતમાં 84 વાઇલનો જથ્થો આવ્યો હતો. 120 મિલિની આ વાયલ બે દર્દીઓને આપી શકાય છે. રૂ.1,19,500નું આ ઇન્જેકશન હોસ્પિટલોએ કેટલાક દિવસો અગાઉ ઓર્ડર આપીને મંગાવ્યું હતું.
