દ્વારકા જિલ્લાના ઓખા મંડળના સુરજકરાડીમાં રહેતી તરૂણ વિદ્યાર્થિનીએ નવી સાઈકલ માટે પરિવાર પાસે જીદ્ કરી હતી પરંતુ, કોઇ કારણસર પરિવારજનોએ સાયકલ ન લઇ આપતા તરૂણીએ તેના ઘરે ગળેફાંસો ખાઈ આત્મહત્યા કરી હતી.
આ બનાવ અંગેની વિગત મુજબ, દેવભૂમિ દ્વારકા જિલ્લાના ઓખા મંડળના સુરજકરાડી વિસ્તારમાં રહેતી ધર્મિષ્ઠાબેન દીપકભાઈ પરમાર (ઉ.વ.16) નામની તરૂણીને નવી સાયકલ લેવી હોય, એ અંગેની જીદ પોતાના પરિવારજનો સમક્ષ કરી હતી. કોઈ કારણોસર તેમના પિતાએ સાયકલ ન લઈ આપતા જિદ્દી અને ઉગ્ર સ્વભાવની ધર્મિષ્ઠાબેને ગઈકાલે સોમવારે આવેશમાં આવી અને પોતાના ઘરે પોતાના હાથે સાડી વડે છતના હૂકમાં ગળાફાંસો ખાઈ લેતા તેણીનું મૃત્યુ નીપજ્યું હતું. આ બનાવ અંગેની મૃતકના પિતા દીપકભાઈ પરસોતમભાઈ પરમાર દ્વારા જાણ કરાતા મીઠાપુર પોલીસે સ્થળ પર પહોંચી જઇ મૃતદેહનો કબ્જો સંભાળી પીએમ માટે મોકલી આગળની કાર્યવાહી હાથ ધરી હતી.
