ગુજરાત હાઇકોર્ટના ચીફ જસ્ટિસ તરીકે મુળ જામનગરના સોનિયા ગોકાણીની નિમણુંક કરવામાં આવી છે. જો કે, તેમનો કાર્યકાળ માત્ર 14 દિવસનો રહેશે કેમ કે, 25 ફેબ્રુઆરીએ તેઓ નિવૃત્ત થઇ રહયા છે. સોનિયા ગોકાણીએ ગુજરાત હાઇકોર્ટના પ્રથમ મહિલા મુખ્ય ન્યાયાધિશ બનવાનું ગૌરવ પણ હાંસલ કર્યુ છે. હાઇકોર્ટમાં તેઓ અનેક સીમાચિન્હરૂપ ચૂકાદાઓ આપીને ચર્ચામાં રહયા છે.
હાલમાં જ ચીફ જસ્ટિસ અરવિંદ કુમારની સુપ્રીમ કોર્ટના જજ તરીકે નિમણુંક થયેલી. જેથી મુખ્ય ન્યાયાધીશની જગ્યા ખાલી હોય ગુજરાત હાઈકોર્ટના ચીફ જસ્ટિસ તરીકે ન્યાયમૂર્તિ સોનિયા જી. ગોકાણીની નિમણુંક કરાઈ છે. ચીફ જસ્ટિસ ઓફ ઇન્ડિયા ધનંજય વાય ચંદ્રચુડના આદેશમાં જણાવ્યું છે.
31 જાન્યુઆરી 2023 ના રોજના ઠરાવ દ્વારા, કોલેજિયમે ન્યાયાધીશ અરવિંદ કુમારને સર્વોચ્ચ અદાલતના ન્યાયાધીશ તરીકે બઢતીની ભલામણ કરી હતી. જેથી ગુજરાત હાઈકોર્ટના મુખ્ય ન્યાયાધીશની જગ્યા ભરવા જણાવાયું હતું. જસ્ટિસ સોનિયા જી ગોકાણી ગુજરાત હાઈકોર્ટના સૌથી વરિષ્ઠ જજ છે. તેણીની નિમણૂક 17 ફેબ્રુઆરી 2011 ના રોજ કરવામાં આવી હતી અને 25 ફેબ્રુઆરી 2023 ના રોજ નિવૃત થવાના છે. જસ્ટિસ ગોકાણી ગુજરાત રાજ્યની ન્યાયિક સેવામાંથી લેવામાં આવ્યા છે. સૌથી વરિષ્ઠ ન્યાયાધીશ હોવા ઉપરાંત, જસ્ટિસ ગોકાણીની મુખ્ય ન્યાયાધીશ તરીકે નિમણૂક સમાવેશની ભાવના લાવશે અને મુખ્ય ન્યાયાધીશની ઑફિસમાં સેવાઓ પરઝેન્ટમાંથી લેવામાં આવેલા ન્યાયાધીશો માટે પ્રતિનિધિત્વની સુવિધા આપશે. વિચારણાંના અંતે જસ્ટિસ સોનિયા જી ગોકાણીને હાઈકોર્ટના ચીફ જસ્ટિસ તરીકે નિમણૂક માટે ક્ધસલ્ટી- જજો દરખાસ્ત સાથે સંમત થયા છે. તમામ સંબંધિત પરિબળોને ધ્યાનમાં રાખીને, કોલેજિયમનું માનવું છે કે, જસ્ટિસ સોનિયા જી. ગોકાણી પાસે સારી ઓળખ છે અને તેઓ ગુજરાત હાઈકોર્ટના મુખ્ય ન્યાયાધીશ તરીકે નિયુક્ત થવા માટે તમામ રીતે યોગ્ય છે. કોલેજિયમ, તેથી સુપ્રીમ કોર્ટના ન્યાયાધીશ તરીકે શ્રી જસ્ટિસ અરવિંદ કુમારની બઢતી પર તુરંત જ ગુજરાત હાઈકોર્ટના મુખ્ય ન્યાયાધીશ તરીકે જસ્ટિસ સોનિયા જી. ગોકાણીની નિમણૂક કરવાનો ઠરાવ કરે છે. 25 ફેબ્રુઆરી 2023 ના રોજ તેણી નિવૃત્ત થવાના હોવાથી ભલામણ પર પ્રાથમિકતાના આધારે પ્રક્રિયા થવી જોઈએ. તેમ સુપ્રિમ કોર્ટના ઓર્ડરમાં જણાવ્યું છે.
