જામનગર શહેરના હવાઈ ચોક વિસ્તારમાં જાહેરમાં એકીબેકીનો જૂગાર રમતા બે શખ્સોને પોલીસે રૂા.6510 ની રોકડ રકમ સાથે ઝડપી લીધા હતાં. જામનગરના બેડી વિસ્તારમાંથી તીનપતિનો જૂગાર રમતા પાંચ શખ્સોને રૂા.3170 ની રોકડ રકમ સાથે ઝડપી લીધા હતાં. સીક્કા ગામમાંથી તીનપતિનો જુગાર રમતા પાંચ શખ્સોને રૂા.2890 ની રોકડ રકમ અને ગંજીપના સાથે ઝડપી લઇ આગળની કાર્યવાહી હાથ ધરી હતી.
જૂગાર દરોડાની વિગત મુજબ પ્રથમ દરોડો જામનગર શહેરના હવાઈ ચોક વિસ્તારમાં જાહેરમાં ચલણી નોટો પર એકી બેકીના આંકડા બોલી પૈસાની હારજીત કરાતા સ્થળે સીટી એ ડીવીઝન પોલીસ સ્ટાફે પહોંચી જઇ રેઈડ દરમિયાન દિલીપ મણી મંગી, દિપક રસીક કનખરા નામના બે શખ્સોને રૂા.6510 ની રોકડ રકમ સાથે ઝડપી લીધા હતાં. બીજો દરોડો જામનગર શહેરના બેડીમાં જાહેરમાં તીનપતિનો જૂગાર રમતા હોવાની બાતમીના આધારે સીટી બી ડીવીઝન પોલીસ સ્ટાફે રેઈડ દરમિયાન ફારુક કાસમ મલ્લા, અબ્બાસ ઈસ્માઇલ દલ, ઈલ્યાસ હારુન જામ, અલી ઈબ્રાહિમ સંઘાર, સબીર સીદીક પાલાણી નામના પાંચ શખ્સોને રૂા.3170 ની રોકડ રકમ અને ગંજીપના સાથે ઝડપી લઇ ગુનો નોંધી આગળની તપાસ હાથ ધરી હતી.
ત્રીજો દરોડો, જામનગર તાલુકાના સીક્કા ગામમાં જાહેરમાં તીનપતિનો જૂગાર રમતા હોવાની બાતમીના આધારે સ્થાનિક પોલીસે રેઈડ દરમિયાન ઈમ્તિયાઝ આમદ મુલ્લા, મહેબુબ ગુલામ ખલીફા, હનિફ ઈલિયાસ ભાયાણી, હમીદ મામદ ખીમાણી, સોયબ અબ્દુલ ભગાડ નામના પાંચ શખ્સોને રૂા.2890 ની રોકડ રકમ અને ગંજીપના સાથે ઝડપી લીધા હતાં. તેમજ રેઈડ પૂર્વે નાશી ગયેલા સીકંદર મામદ ભાયાણી, સલીમ સાલેમામદ હુંદડા, અલી આમીન ભગાડ, મહોનસી હસન ભગાડ, મહેબુબ આમદ મુલ્લા, ઈમરાન સાલેમામદ હુંદડા, વસીમ આમીન ભગાડ નામના સાત સહિતના બાર શખ્સો વિરૂધ્ધ ગુનો નોંધી તપાસ હાથ ધરી હતી.
