જામનગર મહાનગર પાલિકા દ્વારા આઝાદી કા અમૃત મહોત્સવની ઉજવણીના ભાગરૂપે અનેકવિધ કાર્યક્રમો કરવામાં આવી રહ્યા છે. આ ઉજવણીના કાર્યક્રમોમાં ઓપન જામનગર ટેબલ ટેનિસ સ્પર્ધાનું આયોજન પણ કરવામાં આવી રહ્યું છે.
સ્પર્ધા આગામી તા.26 ડિસેમ્બરના રોજ જેએમસી સ્પોર્ટસ સંકુલ ખાતે યોજાનાર છે. આ સ્પર્ધામાં ભાગ લેવા માટે ખેલાડીઓએ ઓનલાઈન રજીસ્ટે્રશન કરાવવાનું રહેશે. ઓનલાઈન ભાગ લેવા માટે ખેલાડીએ https://forms.gle/PNbQ7dbmrcKKoWKE6 જેએમસી સ્પોર્ટસ સંકુલનો સંપર્ક કરી શકે છે. આ સ્પર્ધામાં વિજેતા જાહેર થનાર ખેલાડીઓને ટ્રોફી, સર્ટીફિકેટ સહિતના ઈનામો આપવામાં આવનાર છે. સ્પર્ધાનો ડ્રો શનિવાર સાંજે 5 વાગ્યે જેએમસી ખાતે જામનગર ટેબલ ટેનિસના પ્રખ્યાત વેટરન પ્લેયર્સ સહિતના મહાનુભાવો દ્વારા પાડવામાં આવનાર છે. આ સ્પર્ધાના પોઇંટ રેટીંગ એસોસિએશન દ્વારા વર્ષ દરમિયાન યોજાતી સ્પર્ધાના રેટીંગ્સમાં ઉમેરવામાં આવનાર છે. તો દરેક પ્લેયર્સને આ સ્પર્ધા દ્વારા રાજ્ય સ્તર પર પ્રતિનિધિત્વ કરવા માટેના વધારાના લાભ મળવા પાત્ર રહેશે.
