જામનગર શહેરના ગોકુલનગર વિસ્તારમાં સ્ટ્રીટલાઈટના અંજવાળે તીનપતિનો જૂગાર રમતા ચાર શખ્સોને પોલીસે રૂા.15150 ની રોકડ રકમ અને ગંજીપના સાથે ઝડપી લીધા હતાં. જામનગરના બેડેશ્ર્વર વિસ્તારમાંથી તીનપતિનો જૂગાર રમતા પાંચ શખ્સોને પોલીસે રૂા.10340 ની રોકડ રકમ સાથે ઝડપી લઇ આગળની કાર્યવાહી હાથ ધરી હતી.
જૂગાર દરોડાની વિગત મુજબ, પ્રથમ દરોડો જામનગર શહેરના ગોકુલનગર શેરી નં.8/4 માં જાહેરમાં તીનપતિનો જૂગાર રમતા હોવાની બાતમીના આધારે સીટી સી ડીવીઝન પોલીસ સ્ટાફે રેઈડ દરમિયાન મનિષ ઉર્ફે મનિયો બાબુ ડાભી, ભરત ઉર્ફે ભીમો જેસંગ મેથાણીયા, નિર્મલસિંહ અભેસંગ ચાવડા, ધવલ ઉર્ફે વિશાલ રમેશ દેત્રોજા નામના ચાર શખ્સોને રૂા.15150 ની રોકડ રકમ અને ગંજીપના સાથે ઝડપી લીધા હતાં.
બીજો દરોડો, જામનગર શહેરના બેડેશ્ર્વર વિસ્તારમાં જાહેરમાં તીનપતિનો જૂગાર રમતા જાવીદ ઈકબાલ રાજા, હનિફ સિદીક ખફી, જાકુબ અલ્લારખા જેડા, ભૂપત છગન મકવાણા અને ઈબ્રાહિમ આદમ કુંગડા નામના પાંચ શખ્સોને રૂા.10340 ની રોકડ રકમ સાથે સીટી બી ડીવીઝન પોલીસ સ્ટાફે ઝડપી લઇ ગુનો નોંધી આગળની કાર્યવાહી હાથ ધરી હતી.
