જામનગર શહેરમાંથી એનડીપીએસનો નાસતો ફરતો આરોપી ઝબ્બે

જામનગર શહેરના સિટી એ ડીવીઝન પોલીસ સ્ટેશનમાં નોંધાયેલા એનડીપીએસના ગુનામાં નાસતા ફરતા આરોપીને એસઓજીની ટીમે એસ.ટી. ડેપો પાસેથી ઝડપી લઇ વધુ તપાસ આરંભી હતી.

આ અંગેની વિગત મુજબ, જામનગર શહેરના સિટી એ ડીવીઝન પોલીસ સ્ટેશન વિસ્તારમાં થોડા સમય અગાઉ નોંધાયેલા એનડીપીએસના ગુનામાં નાસતા ફરતા આરોપી અંગેની એસઓજીના રાજેશ મકવાણા, અનિરૂધ્ધસિંહ ઝાલા, હર્ષદ ડોરીયા, સંદિપ ચુડાસમાને મળેલી બાતમીના આધારે પોલીસ અધિક્ષક પ્રેમસુખ ડેલુની સૂચનાથી પીઆઈ બી.એન. ચૌધરી અને પીએસઆઈ જે.ડી.પરમાર તથા આર.એચ.બાર તેમજ સ્ટાફે વોચ ગોઠવી એસ.ટી. ડેપો પાસે ચા ની હોટલેથી ઈરજાન ઉર્ફે ભુરો મામદ થૈયમ (કાલાવડ) નામના નાસતા ફરતા આરોપીને દબોચી લઇ સિટી એ ડીવીઝનને સોંપવા કાર્યવાહી હાથ ધરી હતી.