નવકાર ઇવેન્ટ દ્વારા ફક્ત જૈન ભાઈઓ તથા બહેનો માટે યોજાયેલ બોક્સ ક્રિકેટ ટુર્નામેન્ટ તા. 18 એપ્રિલથી તા. 20 એપ્રિલ દરમિયાન ટ્વીન ટર્ફ, કેશવારાસ રેસ્ટોરન્ટની સામે આયોજન કરવામાં આવ્યું હતું. આ ટુર્નામેન્ટના પ્રાયોજકો કરણ દોશી, પાર્શ્વ શાહ અને પાર્થ મહેતા રહ્યા હતા.
ગત વર્ષની સફળતાને આધારે આ વર્ષે વધુ ટીમોની સાથે ટુર્નામેન્ટનું વિસ્તૃત આયોજન કરવામાં આવ્યું હતું. ભાઈઓની 16 ટીમો અને બહેનોની 6 ટીમોએ ઉત્સાહભેર ભાગ લીધો હતો. ટુર્નામેન્ટ દરમિયાન સેમિફાઈનલ અને ફાઈનલ મુકાબલાઓ યોજાયા હતા, જેમાં ભાઈઓ વિભાગમાં વર્લ્ડ ક્લાસ અને બહેનો વિભાગમાં એન.એચ. થન્ડર્સ ટીમ વિજયી બની હતી.
આ કાર્યક્રમ દરમિયાન અનેક મહાનુભાવો હાજરી આપીને ખેલાડીઓના ઉત્સાહમાં વધારો કર્યો હતો. જેમાં ધારાસભ્ય શ્રીમતી રીવાબા જાડેજા, ડેપ્યુટી મેયર ક્રિષ્નાબેન સોઢા, ભાજપા શહેર અધ્યક્ષ બીનાબેન કોઠારી અને વોર્ડ નં. 9 ના કોર્પોરેટર ધીરેનભાઈ મોનાણી મુખ્ય આમંત્રિત તરીકે હાજર રહ્યા હતા.
આ સમગ્ર ઇવેન્ટના સફળ આયોજન માટે તમામ સ્પોન્સર્સ, બેનર અને જાહેરાત આપનાર શુભેચ્છકો તથા દ્રઢ કાર્ય કરનાર કાર્યકર મિત્રોનો આયોજકો એ આભાર વ્યકત કર્યો હતો
