જાંબુડા પાટિયા પાસેથી એલસીબીએ એક શખ્સને 402 બોટલ દારૂ તથા મોટરકાર ઝડપી લઇ કુલ રૂપિયા 11,27,600નો મુદ્ામાલ કબ્જે કરી પ્રોહિબિશન એક્ટ હેઠળ કાયદેસરની કાર્યવાહી હાથ ધરી હતી.
દરોડાની વિગત મુજબ એક શખ્સ ધ્રોલ તરફથી ઇંગ્લીશ દારૂનો જથ્થો લઇ પસાર થવાનો હોવાની એલસીબીના દિલીપભાઇ તલાવડીયા, હિતેન્દ્રસિંહ જાડેજા, કાસમભાઇ બ્લોચને મળેલી બાતમીના આધારે જાંબુડા ગામના પાટીયા પાસે વોચ ગોઠવી હતી. દરમ્યાન બ્રેઝા કાર જાંબુડા ગામના પાટિયાથી અલિયાબાડા થઇ મિયાત્રા ગામ તરફ જતા તેનો પીછો કરવામાં આવ્યો હતો. જેમાં કારચાલક કિશન ઉર્ફે ડેન્કર નાથા ગીગળ નામના શખ્સને વિદેશી દારૂની 402 બોટલ સાથે ઝડપી લીધો હતો. રૂા. 5,22,600ની કિંમતની 402 નંગ દારૂની બોટલ, રૂા. 6 લાખની કિંમતની બ્રેઝા કાર તથા રૂા. 5 હજારનો મોબાઇલ ફોન સહિત કુલ રૂપિયા 11,27,600નો મુદ્ામાલ કબ્જે કર્યો હતો.
તપાસ દરમ્યાન ઇનાયત ઉર્ફે તોતો ઉર્ફે ટાઇગર ઇબ્રાહિમ મશિયારનું નામ પણ ખુલતાં પોલીસ દ્વારા તેની શોધખોળ હાથ ધરવામાં આવી છે. સમગ્ર કાર્યવાહી જિલ્લા પોલીસવડા ડો. રવિ મોહન સૈનીની સૂચના અને એલસીબીના પીઆઇ વી. એમ. લગારિયાના માર્ગદર્શન મુજબ એલસીબીના પીઆઈ વી.એમ. લગારીયા, પીએસઆઇ સી. એમ. કાંટેલિયા, પી.એન. મોરી તથા સ્ટાફના હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલાવાડિયા, હિરેનભાઇ વરણવા, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, બળવંતસિંહ પરમાર, મયૂરસિંહ પરમાર, યુવરાજસિંહ ઝાલા, ભયપાલસિંહ જાડેજા, અજયભાઇ વીરડા, કિશોરભાઈ પરમાર, ઋષિરાજસિંહ વાળા, ભરતભાઇ ડાંગર, ઘનશ્યામભાઇ ડેરવાડિયા, સુમિતભાઇ શિયાર, સુરેશભાઇ માલકિયા, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફ દ્વારા કરવામાં આવી હતી.
