ભાણવડ ખાતે પોલીસ દ્વારા લોન માર્ગદર્શન મેળાનું આયોજન

સરકારના માનવ અભિગમીય અને વ્યાજખોરોના ત્રાસમાંથી લોકોને મુક્ત કરાવવાના ભાગરૂપે ભાણવડમાં પોલીસ દ્વારા લોન માર્ગદર્શન મેળાનું આયોજન કરવામાં આવ્યું હતું. આ કાર્યક્રમમાં ખંભાળિયાથી પોલીસ અધિક્ષક, જિલ્લા ઉદ્યોગ કેન્દ્ર અને વિવિધ બેન્ક ઓફિસર સહિત ભાણવડ પોલીસ સ્ટાફ અને લોકો ઉપસ્થિત રહ્યા હતા. પ્રાસંગિક ઉદબોધન પીએસઆઇ પી.ડી.વાંદાએ કર્યું હતું. આ તકે દેવભૂમિ દ્વારકા જિલ્લા પોલીસ અધિક્ષક નિતેશ પાંડેયે જણાવ્યું હતું કે લોકો ખાનગી માધ્યમોના બદલે બેંકો, સહકારી બેંકો પાસેથી લોન લેવી જોઈએ, એ અંગે કોઈ ગુંચ હોય તો પોલીસ મદદ કરવા તૈયાર છે. નાયબ પોલીસ અધિક્ષક હાર્દિક પ્રજાપતિ એ પોલીસ અને વિવિધ બેન્કના સંકલનથી પીએમ સ્વનિધિ યોજના અંતર્ગત ચાર જેટલા લાભાર્થીઓને પોલીસ અધિક્ષક પાંડેયના હસ્તે લોનના ચેકો વિતરણ કરવામાં આવ્યા હતા.