જામનગર તાલુકાના ઠેબા ગામની સીમમાં તીનપતિનો જૂગાર રમાતા સ્થળે એલસીબીની ટીમે રેઈડ દરમિયાન 6 શખ્સોને ઝડપી લઇ રૂ.2,50,000 નો મુદ્દામાલ કબ્જે કર્યો હતો. ધ્રોલ ગામમાં દિવાલ પાસે જાહેરમાં જાહેરમાં જૂગાર રમતા ચાર શખ્સોને પોલીસે રૂા.6350 ની રોકડ રકમ સાથે ઝડપી લીધા હતાં.
જૂગાર દરોડાની વિગત મુજબ, પ્રથમ દરોડો જામનગર તાલુકાના ઠેબા ગામની સીમમાં આવેલા ખેતરમાં આવેલા ગૌરવ રોહિતના ખેતરની ઓરડીમાં તીનપતિનો જૂગાર રમાતો હોવાની બાતમીના આધારે પોલીસ અધિક્ષક પ્રેમસુખ ડેલુની સૂચનાથી પીઆઈ વી.એમ. લગારીયા, પીએસઆઇ પી.એન. મોરી, એ.કે. પટેલ તથા સ્ટાફના સંજયસિંહ વાળા, હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલવાડિયા, વનરાજભાઈ મકવાણા, ધાનાભાઈ મોરી, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, કાસમ બ્લોચ, નિર્મળસિંહ જાડેજા, કિશોરભાઈ પરમાર, હરદીપભાઇ બારડ, ઋષિરાજસિંહ વાળા, મયુરસિંહ પરમાર, કલ્પેશભાઈ મૈયડ, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા, ધર્મેન્દ્રસિંહ જાડેજા, ભારતીબેન ડાંગર સહિતના સ્ટાફે રેઈડ દરમિયાન ગૌરવ રોહિત અને રવિ અજીત સંચાણિયા, વિપુલ જીવરાજ માવલા, વિજય સવદાસ ચેતરીયા, સંજય બટુક ચંદ્રેશા, હરેશ ગોવિંદ પરમાર નામના છ શખ્સોને રૂ.75000 ની રોકડ અને રૂા.45000 ની કિંમતના છ મોબાઇલ ફોન તથા રૂ.1,30,000 ના ત્રણ બાઈક મળી કુલ રૂ.2,50,000 ના મુદ્દામાલ સાથે ઝડપી લીધા હતાં.
બીજો દરોડો, ધ્રોલ ગામમાં કેજીએન પાર્ક પાસે જાહેરમાં તીનપતિનો જૂગાર રમતા એઝાઝ ફીરોઝ તાયાણી, ઈમરાન ફારુક નાગાણી, અમીર હુશેન ઉર્ફે અમુડો જાવીદ સુમારીયા, અને અલ્તાફ ફારુક નાગણી નામના ચાર શખ્સોને ધ્રોલ પોલીસે રેઈડ દરમિયાન રૂ.6350 ની રોકડ રકમ અને ગંજીપના સાથે ઝડપી લઇ આગળની કાર્યવાહી હાથ ધરી હતી.
