જામ્યુકો દ્વારા 17 વેપારીઓ પાસેથી 13 કિલો પ્રતિબંધિત પ્લાસ્ટિક જપ્ત

જામનગર મહાનગરપાલિકા દ્વારા પ્રતિબંધિત પ્લાસ્ટિક વિરુધ્ધ કડક ઝુંબેશ હાથ ધરવામાં આવી રહી છે. જે અંતર્ગત શહેરના 17 ધંધાર્થીઓ પાસેથી 13 કિલોગ્રામ પ્રતિબંધિત પ્લાસ્ટિક જપ્ત કરવામાં આવ્યું હતું.

પર્યાવરણ માટે નુકસાનકારક એવા પ્લાસ્ટિકનો ઉપયોગ ઘટાડવા કેન્દ્ર સરકારના જાહેરનામા અનુસંધાને 120 માયક્રોન સુધીના તમામ પ્લાસ્ટિકની વસ્તુઓનો ઉપયોગ બંધ કરવાનો રહેતો હોય. આ જાહેરનામાની અમલવારીના ભાગરુપે જામનગર મહાનગરપાલિકા દ્વારા 4 ટીમો મારફત પ્રતિબંધિત પ્લાસ્ટિકનો ઉપયોગ વિરુધ્ધ ઝુંબેશ હાથ ધરવામાં આવી હતી. જેમાં શહેરના અલગ-અલગ વિસ્તારોમાં કુલ 17 ધંધાર્થીઓ/વેપારીઓ પાસેથી 13 કિલોગ્રામ પ્રતિબંધિત પ્લાસ્ટિકનો જથ્થો જપ્ત કરવામાં આવ્યો હતો. તેમજ રૂા. 8500ના દંડની વસુલાત કરવામાં આવી હતી.