વિદ્યાનગરમાં 10 વર્ષથી નાસતા ફરતા આરોપીને ઝડપી લેતી જામનગર પોલીસ

જામનગરના પેરોલ ફર્લો સ્કવોર્ડે આણંદ જિલ્લામાં ધાડપાડુ ગેંગના 10 વર્ષથી નાસતા ફરતા આરોપીને મોરબીના ઘુટુમાંથી ઝડપી લઇ આણંદ પોલીસને સોંપવા કાર્યવાહી હાથ ધરી હતી.

આ અંગેની વિગત મુજબ, આણંદ જિલ્લાના વિદ્યાનગર પોલીસસ્ટેશનમાં વર્ષ 2011માં નોંધાયેલા ધાડના ગુનામાં છેલ્લાં 10 વર્ષથી નાસતો ફરતો મુખ્ય સૂત્રધાર મોરબીની બાજુમાં આવેલા ઘુટુમાં હોવાની જામનગર પેરોલ ફર્લો સ્કવોર્ડના કાસમ બ્લોચ, લગધીરસિંહ જાડેજા, ભરત ડાંગરને મળેલી બાતમીના આધારે જિલ્લા પોલીસવડા દિપન ભદ્રનની સૂચનાથી પીઆઇ એસ. એસ. નિનામાના માર્ગદર્શન હેઠળ પેરોલ ફર્લો સ્કવોર્ડના પીએસઆઈ એ.એસ. ગરચર, હેકો ગજેન્દ્રસિંહ જાડેજા, સુરેન્દ્રસિંહ ચૌહાણ, રણજીતસિંહ પરમાર, સલીમભાઈ નોયડા, કાસમભાઈ બ્લોચ, મેહુલભાઈ ગઢવી, નિર્મળસિંહ જાડેજા, ભરતભાઈ ડાંગર, રાજેશભાઈ સુવા, ગીરીરાજસિંહ જાડેજા તથા પો.કો. ધર્મેન્દ્રભાઈ વૈષ્ણવ તથા અરવિંદગીરી ગોસાઈ સહિતના સ્ટાફે શૈલેષ કડકીયા કિશોરી નામના શખ્સને ઝડપી લઇ વિદ્યાનગર પોલીસને સોંપવા કાર્યવાહી હાથ ધરી હતી.