ISRO 12 જાન્યુઆરીના રોજ PSLV-C62 મિશન સાથે 2026નું પ્રથમ પ્રક્ષેપણ કરશે. શ્રી હરિકોટાથી સવારે 10:17 વાગ્યે પ્રક્ષેપણ થશે. સંરક્ષણ હેતુ માટે DRDOનો EOSN1 (અન્વેષા) પ્રાથમિક ઉપગ્રહ હશે. સ્પેનના KID પ્રોબ અને 17 અન્ય કોમર્શિયલ પેલોડ્સ પણ તેમાં હશે.
ભારતીય અવકાશ સંશોધન સંગઠન (ISRO) નવા વર્ષ, 2026 ના તેના પ્રથમ પ્રક્ષેપણ માટે તૈયારી કરી રહ્યું છે. PSLV-C62 મિશન 12 જાન્યુઆરી, 2026 ના રોજ સવારે 10:17 વાગ્યે આંધ્રપ્રદેશના શ્રી હરિકોટામાં સતીશ ધવન અવકાશ કેન્દ્રથી પ્રક્ષેપણ કરશે. આ ISRO ના વિશ્વસનીય રોકેટ, PSLV ની 64મી ઉડાન હશે.
મુખ્ય ઉપગ્રહ:
EOS-N1 (અન્વેષા ) આ મિશનનું પ્રાથમિક પેલોડ EOS-N1 છે, જેનું જે ઉપનામ “અન્વેષા” છે. DRDO દ્વારા બનાવવામાં આવેલ આ ઉપગ્રહ એક હાઇપરસ્પેક્ટ્રલ ઇમેજિંગ ઉપગ્રહ છે જે સેંકડો વિવિધ તરંગલંબાઇઓમાં પૃથ્વીની સપાટીનું અવલોકન કરવામાં સક્ષમ છે. આ ઉપગ્રહ સંરક્ષણ, કૃષિ, શહેર મેપિંગ, પર્યાવરણીય દેખરેખ અને સામગ્રી ઓળખમાં મદદ કરશે. તે ખાસ કરીને વ્યૂહાત્મક હેતુઓ માટે મહત્વપૂર્ણ છે.
અન્ય પેલોડ્સ
કેસ્ટ્રેલ ઇનિશિયલ ડેમોન્સ્ટ્રેટર (KID): આ નાનું પ્રોબ (લગભગ ફૂટબોલ જેટજેલું, 25 કિલો) સ્પેનિશ સ્ટાર્ટઅપ ઓર્બિટલ પેરાડાઈમ દ્વારા વિકસાવવામાં આવ્યું હતું. તે રોકેટના ચોથા સ્ટેજ (PS-4) સાથે જોડાયેલ હશે. તેરી-એન્ટ્રી ટેકનોલોજીનું પરીક્ષણ કરશે. આ ઉપરાંત, 17-18 અન્ય કોમર્શિયલ પેલોડ્સ હશે, જે ભારત, મોરેશિરે યસ, લક્ઝમબર્ગ, યુએઈ, સિંગાપોર, યુરો પ અને અમેરિકાના સ્ટાર્ટઅપ્સ અને સંશોધન સંસ્થાઓના છે.
લોન્ચ શા માટે ખાસ છે?
ગયા વર્ષે PSLV-C61 ની આંશિક નિષ્ફળતા પછી આ મિશન PSLV નું પુનરાગમન દર્શાવે છે. PSLV એ ISRO નું વર્ક હોર્સ રોકેટ છે, જે નાના અને મધ્યમ ઉપગ્રહોને ચોક્કસ ભ્રમણકક્ષામાં પહોંચાડે છે.
લોન્ચ કેવી રીતે જોવું?
શ્રીહરિકોટામાં લોન્ચ વ્યૂગેલેરીમાંથી જનતા લાઈવ જોઈ શકે છે . lvg.shar.gov.in પર ઓનલાઈન નોંધણી કરાવો. તમારું આધાર કાર્ડ, ડ્રાઈવિંગ લાઇસન્સ અથવા અન્ય સરકારી આઈડી, મોબાઈલ નંબર અને ઈમેલ સરનામું તૈયાર રાખો. ઈસરોનું આ મિશન ભારતની અવકાશ ક્ષમતાઓને વધુ મજબૂત બનાવશે. નવા વર્ષમાં ભારત અવકાશની દુનિયામાં મજબૂત શરૂઆત કરશે.
